Ракометните кадети одржаа лекција како се пее химната на Македонија

Кадетската репрезентација на Македонија обезбеди место на кадетско СП 2023 година и младинското ЕП 2024 година откако го освои Б европското првенство што се играше во Рига, Летонија. Организаторот на турнирот им пушти само една строфа од химната, ама јунаците до 18 години ја продолжија и грмеа со многу жар без музика во позадина.

Организаторот им ја скрати химната во делот за Гоце Делчев, Питу Гули ама дечкиве продолжија со пеење и ја испееа цела химна ❤️
Браво дечки 💪🇲🇰🇲🇰 pic.twitter.com/uZXOOQAas7
— Кичеецот (@mancesterovec7) August 14, 2022

Момците предводени од Раде Стојановиќ ја вратија Македонија во ракометната елита, која последен пат на ЕП во младинските категории настапуваше во 2014-та.

Четворица Македонци беа избрани во Ол Стар тимот. Томислав Димковски кој беше прогласен и за МВП на ЕХФ шампионатот, потоа, левото крило Михаел Тотиќ, десното крило Александар Петковски и голманот Давид Брестовац.