- И покрај тоа што изминатиот ноември на 18. средба на минстрите за надворешни работи на Русија, Кина и Индија, индискиот министер дал целосна поддршка на Кинезите за организација на Олимписките и Паралимписките Игри, во последен момент Индијците се откажаа од посета на Игрите.
- Причина за откажувањето на посета на индиска делегација на отворањето било сознанието дека еден од носителите на олимпискиот факел бил и полковник Џи Фабао, командир во армијата на Кина кој учествувал во страшниот вооружен судир меѓу двете земји на хималајската граница кај Галван кога загинале 20 Индијци и 4 Кинези. Кина подоцна го одликувала Џи Фабао со орден за херојско бранење на границата а постхумно биле одликувани и четворицата загинати кинески војници.
- Томас Бах, првиот човек на МОК (Меѓународниот Олимписки Комитет) на прашањето за полковник Џи Фабао и „политизираните“ Зимски Олимписки Игри рекол дека на Летните Олимписки Игри 2021 во Лондон и повредениот британски ветеран од војните во Авганистан бил еден од оние кои го носеле олимпискиот факел.
- Миленикот на скопските Комити, Црногорецот Вуко Борозан пред неколку недели по втор пат го напушти Вардар 1961. Се очекуваше да најде ангажман во странство, се споменуваа и арапските земји или клуб од Западна Европа, но на крајот Борозан реши да остане таму каде што му е најубаво, во Македонија.
- Негов нов клуб ќе биде РК Охрид кој ги продолжува неверојатните ангажмани на трансфер пазарот со цел да ги исполни амбициите да се бори за шампионските трофеи во догледно време.
- Борозан беше дел од големите успеси на Вардар на домашна и меѓународна сцена и прашање е како навивачите ќе реагираат на овој чекор.
- Боксерот Ален Рустемовски и бодибилдерката Катерина Попева ги добија највисоките признанија на традиционалната манифестација „Спортист на годината 2025“, која се одржа во организација на Министерството за спорт и Сојузот на спортски федерации на Македонија.
- Рустемовски до признанието „Спортист на годината“ стигна по освојувањето на сребрен медал и вицешампионската титула на ЕП У23 во Ереван. Во изборот, тој беше подобар од номинираните Енис Барди, Стефан Михајловски, Андреас Трајковски и Владимир Егоров.
- Во женска конкуренција, титулата најдобра спортистка ѝ припадна на Попева, која лани стана шампионка на Светското првенство во фитнес и бодибилдинг во Санта Сусана (Шпанија). За признанието беа номинирани и Ангела Мојсовска, Александра Марковска, Катерина Ацевска и Сашка Колеска.
- Министерството за спорт традиционално ги додели и стипендиите „Спортска надеж“ на 500 талентирани млади спортисти, македонски репрезентативци. Свеченото доделување на стипендиите се одржа во МОБ, во склоп на манифестацијата „Спортист на годината 2025“.
