Offside › Набрзинка

Вујо: Замислете на ЕП да играше Југославија, знаете ли како би поминале Франција и Данска

29 јануари 2024

Славниот Веселин Вујовиќ кој во блескавата кариера како играч има три златни медали со Југославија, на Олимписки игри, Светско првенство и Медитерански игри, во гостување за босанската Н1 зборува за Европското првенство во Германија, но ностагично отвара и една друга тема.
„Замислете на ЕП да учествуваше Југославија? Знаете ли како би поминале Франција и Данска? Каква југословенска лига ќе беше тоа и каква земја. Ме допревте во болна тема за мене. Ја сум југоносталгичар и сите го знаат тоа.
„Зошто Шпанец кој е роден во Баскија, Галиција, Каталонија итн., се чувствува исто, а јас кој сум роден во една држава, морам да го покажам пасошот кога одам во Хрватска, Босна, Македонија. Зошто ни се случи тва, само Господ знае. Се случи и не се повтори. Но јас чувствувам како дома, особено во Сараево, а логично и во Цетиње, Скопје, Љубљана и ги сакам сите драги луѓе“, вели Вујовиќ кој беше селектор на Југославија, Србија и Црна Гора, Македонија, Словенија и Иран.

извор

КФМ ќе ја брише придавката „Северна“

20 јуни 2025

Новото раководство на КФМ покрена иницијатива за промена на името на оваа организација.
Куќата на кошарката сака да ја елиминира додавката „Северна“ и да не се вика повеќе Кошаркарска федерација на Северна Македонија.
Како нови можни имиња е враќање на стариот назив Македонската кошаркарска федерација (МКФ), кое беше во употреба пред спорната одлука донесена пред шест години, што предизвика многу реакции.

извор

Михајловски: Столе е легенда, но во овој момент Чупиќ е подобра опција

20 јуни 2025

Иван Чупиќ е нов тренер на РК Вардар, кој доаѓа на местото на Гиљермо Милано, кој го загуби столчето после губењето на титулата на болен начин од Еурофарм Пелистер.
„Сите го памтите Чупиќ како легенда на Вардар и кога на ПСЖ во последна секунда му даде гол. Што ме натера да го ангажираме е тоа што уште како играч искажуваше тренерски амбиции. По разделбата со Милано, добив желба да го ангажираме и тоа после еден разговор“, рече Михајловски кој се осврна и на Столе Стоилов.
„Столе е легенда на Вардар, многу го ценам, мислам во овој моментот не спремен да го води тимот. Вратата за него секогаш е отворена. Тој е на годишен одмор. Дали ќе биде помошник или со некоја друга функција, ќе се договориме со него“.

извор