Offside › Набрзинка

Владата и Министерството за спорт ќе доделат национални признанија на најголемите спортски легенди

10 јуни 2025

Министерството за спорт и Владата на Република Македонија ќе одржат свечена церемонија на која ќе бидат доделени Национални признанија на најуспешните македонски спортисти.
Церемонијата ќе се одржи на 11 јуни со почеток во 12:00 часот, а таму ќе присуствуваат министерот Борко Ристовски и премиерот Христијан Мицкоски.
Сите поканети ќе добијат Признание за врвни достигнувања во спортот, а меѓу нив се Горан Пандев, Дарко Панчев, Илија Најдоски, Петар Наумоски, Перо Антиќ, Кирил Лазаров, Стојанче Стоилов, Владо Недановски, Петар Ангелов, Марко Кизиќ, Марко Мишевски, Гордана Нацева, Мирјана Чупиќ, Милева Велкова, Анжела Платон, Лариса Кисељова, Елена Златановска Муратовска и Клара Боева.
Сите добитници во минатото оставија огромен белег во екипните спортови, беа на високо ниво во своите клупски кариери, но воедно и ја претставуваа Македонија на најубав можен начин преку националните репрезентации, со што добија легендарен статус во нашето општество.

извор

Реал Мадрид го претстави младиот талентиран стопер

10 јуни 2025

Откако Барселона им ги зема трофеите во Ла Лига и во шпанскиот Кралски Куп, а во Лига на шампиони испаднаа од Арсенал, „кралевите“ сега сакаат да влезат освежени и засилени во новата сезона.
По Трент Александер-Арнолд и Фримпонг, одбраната ќе им биде уште посилна и за младиот шпанско-холандски стопер Дин Хујсен (20). Тој доаѓа од Борнмут за сума од 60 милиони евра. Игра стопер а претходно беше член на Јувентус и Рома.
Хујсен во Борнмут го носеше дресот со број 2, а во шпанската репрезентација за која неодамна дебитираше игра со број 12 или 14. Во Реал Мадрид го добил бројот 24 кој до минатата зима го носеше Арда Ѓулер кој го смени со број 15.
Бројот 24 во Реал го носеа Дани Себаљос, Арда Ѓулер, Мариано, Иљараменди, Начо, Кедира, Гранеро, Ласана Диара, Алваро Бенито и Аитор Каранка.

извор

Раниери ја одби Италија, сега прв кандидат е Пиоли

10 јуни 2025

Доскорешниот тренер на Рома и легендарен италијански стратег кој сензационално ја освои шампионската титула со Лестер во Премиер лига, Клаудио Раниери ја одбил понудата од Италијанската фудбалска репрезентација да стане нов селектор по отпуштениот Лучано Спалети.
Клаудио Раниери кој доби понуда да остане консултант во Рома, наводно разговарал со сопствениците на клубот, таткото и синот Фридкин. „Фридкин ми дадоа апсолутна поддршка за каква и да донесам одклука во однос на репрезентацијата, но на крајот одлуката е моја“.
„Признавам дека на наследникот не му оставам силен италијански тим, затоа што и денешниот настап не беше којзнае колку импресивен.

Добив шанса да бидам селектор, работев напорно, правев и грешки, правев и експерименти, но не успеав да го извлечам најдоброто од оваа група фудбалери“, изјави отпуштениот Лучано Спалети по триумфот на Италија 2:0 над Молдавија.
Сега единствен кандидат за клупата на Италија останува Стефано Пиоли, некогашниот тренер на Лацио и Милан кој со росонерите освои шампионско скудето па замина да биде тренер во Саудиска Арабија.

извор