- Триесет и шест годишниот Чилеанец Артуро Видал после богата кариера во странство, се врати во својата татковина и ќе игра во својот матичен клуб Коло Коло каде во 2005-та ја почнал својата кариера.
- Видал играше за Баер Леверкузен, Јувентус, Баерн Минхен, Барселона, Интер, Фламенго, Атлетико Паранензе и од сега ќе игра за Коло Коло по втор пат. За репрезентацијата на Чиле Видал одигра 142 меча и постигна 34 погодоци.
- Освои шампионски титули и купови во Чиле, Италија, Германија, Шпанија, Бразил. Играше во финале на Лига на шампиони со Јувентус, а освои Копа Либертадорес со Фламенго и два пати Копа Америка со својата репрезентација.
- Селекторот на македонската ракометна репрезентација, Кире Лазаров даде кус коментар во врска со противниците за СП 2025: Унгарија, Холандија и Гвинеја.
- „Од прв и втор шешир добивме доста квалитетни репрезентации. Секако дека можеше да добиеме уште поквалитетни противници, но треба да бидеме задоволни пред сè со фактот дека ќе играме во Хрватска/Вараждин и ќе имаме огромна поддршка од нашите верни навивачи.
- Сите имаме добри спомени од Вараждин и се надевам дека повторно ќе биде така. Имаме доста време да се подготвиме квалитетно за Светското Првенство“.
- Македонија на Мундијалот во Хрватска 2009 ја создаде првата ракометна еуфорија после вакумот од 10 години. Групната фаза ја мина со победи над Алжир, Полска и Русија и на крај заврши на 11-та позиција.
- Веста дека новиот европски шампион, победникот на Фајнал Форот на Евролига Панатинаикос ќе добие премија од само 1 милион и 750.000 евра, наиде на потсмев кај луѓето кои одблизу ја следата европската клупска кошарка.
- Првиот човек на Евролигата, анонимниот Литванец Паулинас Мотејунас веќе извесно време отворено и бесрамно зборува како „веќе резултатите не се важни, парите се поважни“ и зборува како Евролигата треба да ја засилат екипи од Дубаи, Париз и Лондон.
- Со смешни суми за премии при кои освојувачот на Евролига Панатинаикос добива 1,75 милион евра а нивниот главен играч и МВП на финалето Костас Слукас има годишна плата од 2,5 милиони евра, зборовите на Мотејунас делуваат прилично неумесни. УЕФА на пример ги премира освојувачите во Лига на шампиони со неколку десетици милиони евра, а огромни суми зема и секој учесник во еврокуповите.