- Американката Тори Пенсо ќе биде главна судијка на натпреварот Чешка - Јужна Африка од 18 часот на стадионот во Атланта. Неа ќе и помагаат Американките Брук Мајо и Кетрин Незбит кои ќе бидат крај аут линиите.
- Прва жена која судеше натпревар во машки фудбал на Светско првенство беше познатата Французинка Стефани Фрапар која делеше правда ма средбата Германија - Костарика на Мундијалот 2022 во Катар.
- Пенсо почнала да суди на 14 години а на 18 години го следела развојниот Олимписки програм за судии во Алабама.
- 39-годишната Американка во септември 2020 станала прва жена судијка на натпревар од МЛС лигата во САД после цели 20 години. Од 2021-ва е со значка на ФИФА.
- Фудбалската федерација на Македонија (ФФМ) излезе со соопштение по повод апсењето на поранешниот прв човек на македонскиот фудбал, Илчо Ѓорѓиоски.
- „Во врска со предметот кој Фудбалската федерација на Македонија го пријави до Основното јавно обвинителство за гонење организиран криминал и корупција во 2019 година, информираме дека по поднесената пријава беше спроведена истрага од страна на Управата за финансиска полиција, по што во 2020 година беше поднесена соодветна кривична пријава до надлежното обвинителство.
- Според документацијата доставена до надлежните институции, вкупната штета нанесена на Фудбалската федерација на Македонија за периодот од јануари 2015 година до крајот на 2019 година изнесува повеќе од 2,5 милиони евра“, стои во соопштението на Фудбалската федерација на Македонија.
- Лионел Меси и Кристијано Роналдо иако и двајцата веќе во позни фудбалски години (39 и 40), станаа рекордери со по шест Светски првенства во кариерата (шесто е и за голманот на Мексико Меме Очоа но тој не бранеше досега), а сега се бркаат и по број на одиграни натпревари на Мундијалите.
- Лионел Меси кој во 2022 стана светски шампион со Аргентина, запиша 27 натпревари на Светски првенства и е апсолутен рекордер. Се очекува тој да го подобри рекордот затоа што гаучосите ги очекуваат уште најмалку два натпревари на Мундијалот 2026.
- Лотар Матеус е втор со 25 натпревари на Светски првенства (5 учества, 1982, 1986, 1990, 1994 и 1998). Мирослав Клозе има 24 натпревари на најголемите светски собири (2002, 2006, 2010 и 2014) а тој е и прв заедно со Лионел Меси на вечната листа најдобри стрелци на Светски првенства (по 16 гола двајцата).
- Легендарниот Паоло Малдини на 4 Светски првенства запиша 23 натпревари колку што има и Кристијано Роналдо (шест Светски: 2006, 2010, 2014, 2018, 2022, 2026).
