Offside › Набрзинка

Вардар најде супер решение, нов тренер е легендарен стратег на Црвена звезда

2 септември 2026

Македонскиот фудбалски првак Вардар има нов тренер, откако потпиша договор со црногорскиот стратег Миодраг „Гроф“ Божовиќ, екс-тренер на Црвена Звезда со која стана шампион. Црногорецот доаѓа на местото на Матија Мирков, кој како в.д тренер го водеше клубот по заминувањето на Аргентинецот Кристијан Фабијани.
Божовиќ е поранешен црногорски фудбалер и еден од најпознатите тренери од регионот. Роден е на 22 јуни 1968 година во Мојковац, а зад себе има богата играчка и тренерска кариера. Како фудбалер настапуваше за Будуќност од Подгорица, Црвена звезда, индонезиската Пелита, кипарскиот АПОП, холандскиот РКЦ Валвајк, јапонската Ависпа Фукуока и Розендал, каде што на само 30 години ја заврши професионалната кариера и се посвети на тренерската работа.
Како тренер ги водеше ОФК Београд, беше помошник тренер во јапонскиот Сапоро, беше главен тренер на Борец Чачак, Будуќност АЕП Пафос, Хајдук Београд и Обилиќ. Во 2008 година замина во Русија и таму стана еден од попрепознатлвиите тренери. Таму помина седум успешни години, ги водеше Амкар Перм, ФК Москва, Динамо Москва, Ростов и Локомотив Москва. Со Ростов го освои Купот на Русија во 2014 година, додека со Амкар и ФК Москва стигна до историско четврто место во руската Премиер лига.
Во мај 2015 година седна на клупата на Црвена звезда. Иако не успеа да остави поголем белег во европските натпреварувања, Божовиќ ја предводеше екипата до убедлива шампионска титула во Србија во сезоната 2015/16, поставувајќи и рекорд од 24 последователни победи. Беше и остана миленик на навивачите на црвено-белите.

извор

Нов бомбастичен рекорд во Премиер лига!

2 септември 2026

Аргентинскиот фудбалер од среден ред Енцо Фернандез е нов фудбалер на Манчестер Сити кој за него на Челси му плати 145 милиони евра! Тоа е нов најскапо платен трансфер во историјата на англискиот фудбал.
Интересно Енцо Фернандез веќе го држеше рекордот за најскапо платен фудбалер на некој англиски клуб откако од Бенфика премина во Челси за 125 милиони евра во 2023-та година.
Манчестер Сити летово заработи 350 милиони евра од продажба на фудбалери а потроши 534 милиони евра.
Сити летово урна неколку рекорди на најскапи засилувања. Пред Енцо Фернандез потрошија 134 милиони евра за Елиот Андерсон од Нотингем Форест. Ги продадоа Тијани Рејндерс во Ал Кадси за 60 милиони евра, Родри во Барселона за 75 милиони евра, Нико Гонзлаес во Њукасл за 60 милиони евра, Савињо во Тотенхем за 86 милиони евра а наскоро би можеле да го продадат и Омар Мармуш.
Од друга страна искешираа огромни суми за Енцо Фернандез (145 милиони евра), Елиот Андерсон (134 милиони евра), 18-годишниот Ајуб Буади од Лил за 100 милиони евра, Алан Елиас од Бразил за 39 милиони евра и Џереми Монгу и голманот Херонимо Руљи.

извор

Нено ќе игра со брат му на Јанис Антетокумпо

2 септември 2026

Танасис Антетокумпо, ќе му биде соиграч на македонскиот репрезентативец, Ненад Димитријевиќ во редовите на Арис.
Искусниот 34 годишен грчки репрезентативец потпиша двегодишен договор, со опција за продолжување на уште една, со што Арис доби играч со богато НБА и европско искуство.
Антетокумпо се враќа во грчката кошарка по неколку години поминати во НБА лигата, каде што го носеше дресот на Милвоки заедно со Јанис, а во 2021-ва станаа шампиони.

извор