Offside › Набрзинка

Вардар ќе добие и четврти тренер во неполни три месеци

4 ноември 2024

Срѓан Захариевски од денес не е повеќе шеф на стручниот штаб на ФК Вардар. Веста ја објави клубот на Твитер.
Тој беше третиот тренер на црвено-црните оваа сезона. Новата сезона Вардар ја стартуваше со Горазд Михајлов кој ги водеше од средина на минатата, а на 19 август беше назначен Горан Петрески.
На 2 септември дојде Срѓан Захариевски кој имаше реми со Гостивар, победа над Тиквеш, а потоа шест порази во низа во домашното првенство, вклучително синоќешниот на гости против големиот ривал Пелистер.
Ситуацијата во Вардар е повеќе од алармантна, со оглед на тоа што клубот е последен на табелата со 8 бодови и 6 порази на последните 7 средби. Ова е најлош старт за најпознатиот спортски бренд во историјата на мак фудбалот.

4 ноември 2024

Селекторот на македонската ракометна репрезентација образложи зошто не се повикани стандардните Филип Талески и Никола Митревски на првите две средби од новиот квалификациски циклус за ЕП 2026.
Талески е квалитетен играч, но во последно време на Европското и Светско првенство мислам дека не покажа доволно квалитет. Затоа се решив во моментов да дадам шанса на други ракометари, како што е Павле Атанасијевиќ.
Што се однесува до Митревски, мислам дека имаме млади и квалитетни голмани кои треба да добијат шанса. Да видиме како ќе се однесуваат кога ќе имаат поголема одговорност и зад нив нема еден голем голман.
Лазаров повика 20 ракометари, а првите два натпревари ги играме против Естонија дома (6 ноември) и Литванија на гости (10 ноември).

2 ноември 2024

Не играм за репрезентација затоа што така одлучи селекторот, не ме повика затоа што сум во добри односи со Пандев и со поранешниот селектор Ангеловски. Тоа нема врска со новиот клуб, па лани бев повикан и кога потпишав за Асколи, а сега го фатив континуитетот.
Не ме викаат затоа што наводно не се вклопувам во тактичките замисли на тренерот, но нема врска. Можеби некои немаат храброст за конфронтација.
Така што во последно време не сум во репрезентацијата, но не се откажав, секогаш ќе се надевам на повик. Нема тоа врска со хрватската лига, има играчи од Хајдук, Вараждин, па и послаби лиги, не ми се јавува затоа што мисли дека има подобри играчи, а на мене е пак да се докажам. Јас сум на располагање и се надевам дека нема да ја завршам кариерата во репрезентацијата на ваков начин, вели Несторовски во интервју за Индекс.