- Во сабота вечер на програмата ќе биде реваншот меѓу најсилните светски боксери во моментив, Тајсон Фјури и Олександер Усик. Ова ќе биде дуел за три од четирите најважни појаси во светскиот бокс во тешка категорија.
- Според британски Индепендент Фјури и Усик ќе поделат страшна сума од 191 милиони, повеќе од сумата коај што ја поделија по нивната прва борба кога Усик го совлада Фјури со нокдаун во 9-та рунда и победи на судиски поени.
- Педесет и едно годишниот шпански спортски новинар Алексис Мартин-Тамајо кој во кариерата работеше за Диаро АС, радио Онда Серо и шпанското издание на ЕСПН, сега стои зад светски познатиот профил на Х, МистерЧип.
- Тој често објавува неверојатни статистички податоци и занимливости, а сега последно објави дека Реал Мадрид во последните 4 сезони одиграл дури 12 продолженија во разни натпреварувања (пред се во Лига на шампиони и шпански Куп) и победил на дури 11 од нив!
- Реал играл 4 продолженија во сезоната 2021/2022, 2 продолженија во сезоната 2022/2023, 3 продолженија во 2023/2024 и до моментов 3 продолженија во 2024/2025.
- „Кралскиот клуб“ покажа дека има страшна екипна ментална снага и дека може да победи секого и секаде во пресудни моменти од продолженија или на пенали.
- Фабио Канаваро, на времето најдобар стопер на светот и еден од најдобрите дефанзивци воопшто во фудбалот, не се снаоѓа во тренерска улога. Тој беше тренер во неколку клуба во Италија и во Кина но секаде доби отказ поради слаби резултати.
- Оттаму, чудеше одлуката на управата на Динамо Загреб, најтрофејниот хрватски клуб пред некој месец да го ангажира Канаваро на клупата на „модрите“ кои сезонава сменија дури тројца тренери.
- Сега хрватските медиуми откриваат дека тренерот на Аријан Адеми и Стефан Ристовски по неделниот меч во Вараждин, со приватен авион заминал за Италија каде го чекале снимања за реклами.
- Играчите добиле слободен дел, немале регенерација а Фабио ја напуштил екипата во најлош момент. Динамо Загреб повторно киксираше во хрватската лига каде има 7 нерешени и 7 порази и заостанува 5 бода зад лидерот Хајдук Сплит и 4 бода зад Ријека. До крајот на првенството во Хрватска има уште 8 кола.
