- Европската куќа на фудбалот (УЕФА) досега за време на Еуро2024 го наполнила својот буџет за плус 1,3 милиони евра само од парични казни од фудбалските федерации чии навивачи правеа хаос во Германија.
- Вкупно УЕФА од казни собрала 1.293.645 евра од фудбалските федерации кои морале да платат поради изгреди на нивните навивачи.
- Хрватскиот фудбалски сојуз (ХНС) платил дури 220.875 евра за парични казни во УЕФА. Албанскиот морал дап лати 171.375 поради нередите и разните проблеми кои ги направија нивните навивачи во Германија. Српскиот фудбалски сојуз „е полесен“ за 166.625 евра, Турците платиле 95.125 евра (а уште се на Европското), Швајцарците изненадувачки поради навивачки нереди платиле 91.750 евра, Романците 84.250 евра, Унгарија 82.250 а Австрија 58.875.
- Откако решија да не го откупат договорот на Маркус Рашфорд кој беше позајмен од Манчестер Јунајтед, луѓето од управата на Барселона синоќа го претставија новото скапоцено засилување за новата сезона.
- Англискиот репрезентативец Антони Гордон доаѓа на „Камп Ноу“ од Барселона во трансфер вреден 70 милиони евра плус 10 милиони евра во вид на различни бонуси. Гордон потпишал петгодишен договор.
- Напаѓачот доаѓа како замена за Рашфорд и Левандовски кои заминуваат од Барселона.
- Овој трансфер покажува дека Барселона конечно финансиски закрепнала затоа што во претходните преодни рокови мака мачеше со трансфери и регистрација на фудбалерите.
- 45-годишниот голман на ракометниот клуб Радовиш Славјан Паунов синоќа на мечот од доигрувањето за опстанок во Суперлигата против РК Струга, за последен пат го носеше голманскиот дрес на Радовишани.
- Искусниот голман го одигра последниот натпревар во својата неверојатно долга кариера која ја започнал во 1997-ма година.
- Паунов беше највозрасен ракометар кој некогаш играл во домашната Суперлига. Настапуваше уште и за Овче Поле, Тиквеш и Борец ФЛ а најголем дел од кариерата беше во РК Радовиш.
- Младата екипа на Радовиш испадна од Суперлигата но нема да остане запаметена како прва што испаднала во втора лига без ниту една победа затоа што синоќа конечно славеа 32-29 против Струга во последното коло. Стружани играа со изменет состав затоа што главните ракометари беа на поштеда за баражот кој ги чека против Младост Богданци за опстанок во Суперлига.
