- Првиот човек на Европската фудбалска унија (УЕФА), Словенецот Александар Чеферин му напишал отворено писмо на Фудбалскиот сојуз на Израел во кое изразува жалење од фудбалската заедница за изгубените животи по нападите од Хамас.
- Од саботата од кога започна воениот конфликт меѓу Хамас и израелските сили, досега загинале околуи 2.400 лица, пишува британски Индепендент.
- Чеферин во писмото до првиот човек на Израелската фудбалска федерација Шино Зуарес изразил „длабока тага за насилството врз невиниот народ на Израел“.
- За прв пат по 2010-та, кошаркарските прволигаши пред стартот на сезоната закажан за 5/6 октомври, се ослободени од плаќање котизација, откако КФМ потпиша едногодишен договор со телекомуникациска компанија М-Тел, кој ќе биде генерален спонзор за Првата машка кошаркарска лига.
- „Досега, лигата имала четири спонзори од основањето. По 14 години, се надеваме дека почнуваме една нова цел, а тоа е промовирање и привлекување на што повеќе спонзори во кошарката и воопшто во мак-спортот. Кога дојдовме, котизацијата беше 10.000 евра, ја намаливме на 8.000 евра, а сега ја остваривме една од главните амбиции и цели, тоа е да најдеме спонзор, кој во целост ќе ги покрива сите трошоци на клубовите. Нашите амбиции се да ја покриеме и женската лига и младинските лиги. Веќе сме во започнати преговори, има интерес и се надевам дека за брз период истото ќе може да го промовираме и во останатите шампионати“, изјави генералниот секретар на КФМ, Владимир Георгиевски
- Инаку кошаркарските прволигаши имаат огромни долгови кон Куќата на кошарката, кои во моментот се движат околу 200.000 евра, а тоа се должи на доцнењето на државната помош, односно ваучерите кои требаше да ги добијат уште во јануари.
- Само неколку дена по тешките инциденти во Кавадарци каде навивачи и официјални лица на фудбалскиот клуб Тиквеш мртви-ладни физички нападнаа официјални лица на Вардар па со предмет го погодија и помошникот судија (ФФМ им изрече блага казна да не играат на домашен терен), сега нов циркус во Неготино.
- По натпреварот од втора лига меѓу Вардар Неготино и Охрид Лихнидос, гостинскиот голман Андов бил нападнат и удрен од неофицијално лице кое упаднало на теренот без никаков проблем.
- „По завршување на мечот нашиот голман како и уште неколку наши фудбалери беа физички нападнати од неофицијални лица на теренот. Исто така и минатата сезона бевме сведоци на слични случувања во Неготино но немаше реакција од наша страна. Бараме сега реакција од одговорните лица во федерацијата“, стои во соопштението на Охрид Лихнидос.