- БиБиСи пишува, а хрватските медиуми пренесуваат дека четворица Хрвати на возраст од 23, 27, 31 и 42 години на 4-ти април годинава провалиле во домот на центарфорот на Њукасл и репрезентацијата на Шведска Александар Исак.
- Украле готовина, скапоцени дизајнерски одела, накит и автомобил кој подоцна е пронајден од полицијата. Дејли Мејл ги објавил и имињата на крадците од Хрватска.
- Центарфорот Исак во летото 2022-ра беше платен дури 70 милиони фунти од Њукасл кој го купи од шпански Реал Сосиедад и на тој начин стана најскап играч во историјата на клубот. Исак претходно играше во АИК од Шведска и во Борусија Дортмунд. Сезонава Исак има 34 настапи, 21 гол и 1 асистенција.
- Откако решија да не го откупат договорот на Маркус Рашфорд кој беше позајмен од Манчестер Јунајтед, луѓето од управата на Барселона синоќа го претставија новото скапоцено засилување за новата сезона.
- Англискиот репрезентативец Антони Гордон доаѓа на „Камп Ноу“ од Барселона во трансфер вреден 70 милиони евра плус 10 милиони евра во вид на различни бонуси. Гордон потпишал петгодишен договор.
- Напаѓачот доаѓа како замена за Рашфорд и Левандовски кои заминуваат од Барселона.
- Овој трансфер покажува дека Барселона конечно финансиски закрепнала затоа што во претходните преодни рокови мака мачеше со трансфери и регистрација на фудбалерите.
- 45-годишниот голман на ракометниот клуб Радовиш Славјан Паунов синоќа на мечот од доигрувањето за опстанок во Суперлигата против РК Струга, за последен пат го носеше голманскиот дрес на Радовишани.
- Искусниот голман го одигра последниот натпревар во својата неверојатно долга кариера која ја започнал во 1997-ма година.
- Паунов беше највозрасен ракометар кој некогаш играл во домашната Суперлига. Настапуваше уште и за Овче Поле, Тиквеш и Борец ФЛ а најголем дел од кариерата беше во РК Радовиш.
- Младата екипа на Радовиш испадна од Суперлигата но нема да остане запаметена како прва што испаднала во втора лига без ниту една победа затоа што синоќа конечно славеа 32-29 против Струга во последното коло. Стружани играа со изменет состав затоа што главните ракометари беа на поштеда за баражот кој ги чека против Младост Богданци за опстанок во Суперлига.
