Offside › Набрзинка

Трамп: Не ми е гајле дали Иран ќе игра на Светско

4 март 2026

Иран беше првата селекција што се квалификуваше на СП 2026. Но, кога ФИФА свика состанок за планирање на земјите учеснички оваа недела во Атланта, Иран беше единствената земја што недостасуваше.
Нивното отсуство предизвика прашања за тоа дали Техеран ќе ја испрати репрезентација на Мундијалот ова лето во услови на потенцијално ескалација на војната и дали владата на САД ќе им дозволи на иранските претставници да влезат во земјата.
„Навистина не ми е гајле дали Иран ќе учествува“, изјави претседателот Доналд Трамп во интервју за POLITICO. „Мислам дека Иран е многу лошо поразена земја“.
Инаку тридневниот настан организиран од ФИФА, вклучувал серија состаноци и работнилници за националните федерации од организациски аспект, но од Иран никој не дошол.

4 март 2026

Најлошите стравувања се потврдени. Родриго ги скина предните вкрстени лигаменти на десното колено и ќе го пропушти остатокот од сезоната со Реал Мадрид, како и Светското првенство.
Бразилската ѕвезда утрово беше подложена на медицински тестови за да се утврди точниот степен на повредата на коленото што ја претрпе против Хетафе.
Оваа сериозна повреда е катастрофален удар, како за играчот, така и за Реал Мадрид и за бразилската репрезентација.

4 март 2026

Голготата на Стефан Ашковски при евакуацијата од Иран завршила со помош на репрезентативецот на Албанија, Јасир Асани, инаку дете на Вардар, кој е член на Естегал од Техеран.
„Кога се случи тоа бев оставен сам на себе, Јасир да не беше... Имаше и странци, но никој не ми помагаше. Седам на улица, странците од Персеполис поминуваа со автобус, ги прашав дали може со нив, ми кажаа дека не може. Ова ќе ми биде едно големо искуство за во иднина“.
„Напади имаше секаде, дури и во моја близина, тогаш само што почнаа. Немав јадено и пиено три дена. Гледав само како да излезам од државата, откако беше убиен нивниот водач ништо не работеше, сѐ беше затворено... Беше многу тешко, но сѐ добро се заврши. Сега едвај чекам дома да дојдам да спијам, малку да се одморам“, вели македонскиот репрезентативец за Спорт1.