- Македонската пливачка легенда денеска одбележува 16 години од препливувањето на каналот Ла Манш, и по тој повод ќе плива 16 километри од Пештани до црквата „Св. Јован Канео“ во Охрид, па назад до охридското пристаниште.
- „Мојот јубилеј би сакал да го посветам кон хумани цели, поточно да ја подигнам свеста и да креирам подобри услови за лицата со атипичен развој и инвалидизираните лица во спортот и во физичкото образование“, изјави Стефановски пред подвигот.
- Подвигот на Томи Стефановски беше на 15 август 2009-та и траеше 7 часа и 42 минути. Таа година беше 50-годишен јубилеј од првото препливување на каналот од страна на еден Македонец (Нико Нестор, 1958) и 40-годишнината од препливувањето на првата Македонка (Атина Бојаџи, 1969).
- Под покровителство на министерството за спорт на Македонија, на 10. септември во хотелот „ДаблТри Хилтон“ во Скопје ќе се одржи Првиот Регионален Спортски Самит – Скопје 2025.
- Преку панел дискусии, учесниците меѓу кои министри, спортски федерации, претставници на спортски клубови, бизнис лидери, академии, медиуми и визионери ќе имаат можност да иницираат конкретни проекти и партнерства насочени кон унапредување на спортот, промоција на здравиот начин на живот и зголемување на улогата на спортот во креирањето одржливи општества.
- Настанот е предвиден во девет панели, а меѓу учесниците ќе бидат Дарко Панчев, Горан Пандев, Борко Ристовски, Гордана Нацева, Индира Кастратовиќ, Бобан Илиоски, Игор Стефановски Иџе, Мила Релјиќ, Предраг Мијатовиќ, Шабан Трстена, Лино Червар...
- По врвниот Суперкуп во кој Еуфорарм Пелистер и Вардар 1961 покажаа уште еден блескав меч пред полни трибини а на крај славеа Битолчани, сега дојде ред и за почеток на новата сезона во Суперлига.
- Овојпат како ретко кога досега покрај гореспоменатите вечни ривали кои во новата сезона влегуваат со нови тренери и играчи, и Алкалоид кој знаеше да им помрси сметки, сега борба за трофеите најавува уште еден засилен суперлигаш - Охрид.
- Охриѓани на клупата го имаат одличниот српски стратег Борис Ројевиќ кој дојде од Војводина а ја засилија екипата и со многу сериозни домашни и странски ракометари. Сите суперлигаши се засилија значително и конкуренцијата ќе биде како никогаш досега.
