Offside › Набрзинка

Тешко извојувана победа на Новак Ѓоковиќ

17 јануари 2024

Најдобриот тенисер на денешницата ја продолжи победничката серија на Отвореното првенство на Австралија која му трае од 2018-та година.
Со голема борба после 3 часа и 11 минути, Новак со големи маки го совлада младиот австралиски тенисер Алексеј Попирин (24-годишен, 43-ти на ранг листа) со 3-1 во сетови: 6:3, 4:6, 7:6, 6:3.
Србинот ја искористи дури петтата меч топка и конечно го совлада незгодниот Попирин. Ова е веќе втор исклучително напорен меч за Ѓоковиќ кој во првото коло играше повеќе од 4 часа против 18-годишниот Хрват Прижмиќ.
Следниот меч за Новак Ѓоковиќ ќе биде во петок, против 24-годишниот Аргентинец Томас Мартин Ечевери.

извор

Почнува продажбата на билети за Македонија - Словенија

30 октомври 2026

Фудбалската федерација на Македонија (ФФМ) соопшти дека продажбата на влезниците за натпреварот Македонија – Словенија ќе почне во понеделник, на 2 ноември.
Натпреварот се игра во рамки на петтото коло од групата Б во Лигата на нации, а цената ќе изнесува 500 денари.
„Влезниците ќе можат да се набават исклучиво преку официјалната платформа за електронска продажба на билети на ФФМ: eticket.ffm.mk“, информира ФФМ.
Македонија по четири одиграни меча има 0 бодови, додека Словенија е втора во групата со седум поени и големи шанси да оди понатаму во осминафинале од Лига на Нации.
Натпреварот се игра на 16 ноември од 20.45 часот на Националната арена „Тодор Проески“ во Скопје.

извор

Десет „Златни топки“ гостувале во Македонија, ги знаете ли кои се?

29 октомври 2026

Хари Кејн е најновата „Златна топка“ во светскиот фудбал, а со тоа кога ќе ја согледаме историјата, тој стана десеттиот играч кој ја освоил оваа престижна награда, а љубителите на фудбалот имале шанса да го гледаат на терените во нашата земја.
Центарфорот беше гостин во Македонија со екипата на Тотенхем кога играше против Шкендија, како и со репрезентацијата на Англија. Од 1991 па наваму, од осамостојувањето на Македонија, уште девет играчи биле тука.
Тоа се Кристијано Роналдо со У21-тимот на Португалија, Павел Недвед со Чешка, Андреј Шевченко со Украина, Лука Модриќ со Хрватска и Реал Мадрид, Карим Бензема со Реал Мадрид, Мајкл Овен со Англија, тие се како играчи, а како тренери тука биле Зинедин Зидан со Реал Мадрид, Христо Стоичков со Бугарија и Марко ван Бастен со Холандија.
Од Македонија само еден фудбалер конкурирал за „Златната топка“. Тоа е Дарко Панчев, кој во историската сезона со Црвена Звезда во 1991 година дојде до „Сребрената топка“, односно второто место.
Од останатите, Родри и Усман Дембеле имаат играно против Македонија, но во У21-тимовите, надвор од нашите граници.

извор