Offside › Набрзинка

Тер Штеген одби да ја послуша Барселона, управата го казни

5 август 2025

Долгогодишниот прв голман на Барселона и германски репрезентативец Марк Андре Тер Штеген одбил да даде одобрение и да го потпише својот медицински извештај за Барселона да можела да го испрати до Лекарскиот одбор во Ла Лига.
На овој начин Тер Штеген не и овозможи на Барса да може да искористи 80% од неговите примања за регистрација на некој од новајлиите. Поради овој став управата многу се налутила па отворила дисциплинска мерка, а најверојатно парично ќе биде казнет.
Германскиот голман неодамна одби да биде продаден и покрај сознанието дека најверојатно ќе биде трет голман после новиот чувар на мрежата Жоан Гарсија од Еспањол и Војчех Шчесни.

извор

Македонец делегат на жешкото финале во Приштина

30 март 2026

Македонскиот делегат Филип Поповски ќе има задача во баражот за СП 2026 година, на еден од најжешките натпревари.
Косово ќе ѝ биде домаќин на Турција во Приштина, а Поповски ќе ја има улогата на делегат на финалниот меч на „Фадиљ Вокри“ на кој се очекува да крцаат трибините.
Главен судија ќе биде Мајкл Оливер од Англија. Мечот се игра на 31 март, со почеток од 20:45 часот.

извор

Кими Антонели победи на Ф1 трка во Јапонија и стана најмлад лидер во историјата

29 март 2026

Возачот на Мерцедес, Италијанецот Кими Антонели (19) е победник на трката за Големата награда на Јапонија, трета овосезонска трка од шампионатот Формула 1.
Младиот Италијанец роден во Болоња, на легендарната патека „Сузука“ ја прослави втората победа по ред откако славеше на претходната трка во Кина. Антонели победи со десетина секунди предност во однос на Оскар Пјастри од Мекларен, а на трето место заврши Шарл Леклер од Ферари.
Антонели сега стана најмлад лидер во историјата на Ф1, на возраст од само 19 години и 216 дена. Претходниот рекорд го држеше Луис Хамилтон од Ферари кој во 2007-ма како возач на Мекларен беше прв во генералниот пласман на само 22 години и 126 дена. Тогаш на крајот од сезоната Хамилтон заврши втор но од 2008-ма ја започна трофејната берба.
Трката во Јапонија ја одбележа тежок и страшен судар на возачот на Хас, Оливер Берман. Младиот Британец изгуби контрола над болидот и излета од патеката, прелета неколку метри и удри во заштитната ограда. За среќа возачот на Хас минал без посериозни повреди.

извор