• Кошаркарската федерација на Македонија (КФМ) му ја додели на МКК Куманово организацијата на финалниот турнир во Купот на Македонија. Натпреварите за трофејот кој го носи името „Благоја Георгиевски - Буштур“ ќе се играат во спортската сала во Куманово.
• Четвртфиналните дуели се играат на 13-ти февруари а ќе играат: 

      ТФТ Скопје – Феникс 2010
      МЗТ Скопје Аеродром – Работнички
      Кожув – Маџари
      Пелистер – МКК Куманово

• Победниците од четирите четвртфинални средби ќе играат во полуфиналето кое е предвидено да се игра на 14 февруари, додека новиот победник во националниот Куп ќе биде познат по одигрувањето на големото финале кое ќе се одигра еден ден подоцна. 

• ТВ Арена Спорт преку соопштение објави дека договорот за преноси на фудбалски натпревари од најдобрата лига на светот англиската Премиер лига е продолжен до 2034-та година.
• „Со гордост истакнуваме дека на заедничко задоволство, соработката со најдобрата фудбалска лига на светот ја продолживме до 2034. Со овој договор ја зацврстивме својата лидерска позиција на спортското медиско небо во регионот и на сите гледачи им потврдивме дека и натаму ќе им овозможуваме да гледаат се најдобро од спортот на една адреса, на нивната и наша Арена“, изјавил генералниот директор на Арена Небојша Жугиќ.