Offside › Набрзинка

Свен Горан Ериксен: Во најдобар случај имам уште една година живот

11 јануари 2024

Славниот шведски стратег, Свен Горан Ериксен откри дека му е дијагностициран рак во терминална фаза и дека во најдобро сценарио му преостанува уште една година живот.
Болеста му ја откриле откако колабирал, без никакво претходно предупредување, бидејќи претходниот ден трчал 5 километри, а му кажале дека доживеал и мозочен удар.
75 годишниот Ериксен пред 11 години се повлече од својата последна функција како спортски директор во шведскиот клуб Карлштад, поради здравствени проблеми.
Во четиридецениската тренерска кариера, беше селектор на Англија, Мексико, Брегот на Слоновата Коска и Филипини и водеше многу клубови меѓу кои Гетеборг, Бенфика, Рома, Фиорентина, Сампдорија, Манчестер Сити, Лестер...
Најголемите успеси ги постигна со Лацио каде во периодот 1997-2000 освои 7 трофеи, меѓу кои и Скудетото.

30 октомври 2026

На потегот од Попова Шапка до Титов Врв на Шар Планина се поставени нови ознаки и патокази кои беа оштетени во август годинава, информираат од службата за односи со јавност при „Славков проект – Обележување на планинарски патеки во Македонија“, поддржан од амбасадите на Австрија, Чешка и Словачка.
Од „Славков проект“ информираат дека по промоцијата следува и промотивно планирање со локални планинарски организации (повеќето од нив партнери во проектот), како и љубители на природата.
„Групата ја предводеа локални планинари, заедно со врвниот чешки алпинист Марек Холечек – добитник на престижната награда ‘Златен цепин’ (Piolet d’Or) во два наврати и специјален гостин на тековниот филмски фестивал ‘EХO’ во Скопје“, се вели во соопштението.

30 октомври 2026

Шампионот на Македонија, МЗТ Скопје Аеродром објави дека ја заврши соработката со досегашниот тренер Васко Атанасов. Оваа одлука доаѓа по серијата порази, од кои последниот од Струмица во Суперлигата на Македонија
Клубот соопшти дека соработката е раскината спогодбено со договор на двете страни. Од МЗТ му се заблагодарија на Атанасов за сработеното во клубот.
Васко Атанасов беше на чело на „штрковите“ од 2023 година кога седна на клупата и со доста успех го водеше тимот. Тој стана најмладиот стратег кој го освои пехарот во македонската кошарка, четири пати беше национален првак, а освои и по три Куп и Суперкуп-трофеи.