- Кристал Палас не ја доби апелацијата по повод исклучувањето од Конференциска лига. УЕФА не му дозволи на лондонскиот клуб кој го освои ФА Купот со историски триумф над силниот Манчестер Сити во финале, да заигра првпат во Лига Европа каде што заслужено на терен си избори место.
- Причина за тоа беше што имаа ист газда (Американецот Џон Текстор) со француски Лион. И двата клуба обезбедија европкупови, но УЕФА не му дозволи на Кристал Палас да игра. Англискиот клуб се жалеше на оваа одлука во Арбитражниот суд за спорт во Лозана (CAS) кој на крај пресуди дека Палас може да игра еврокуп но само во Конференциска лига во новата сезона 2025/2026.
- Сега разгледуваат и можност да бараат на суд финансиска компензација затоа што во Конференциска лига ќе заработат далеку помалку пари отколку што би добиле за учество во Лига Европа.
- Кристал Палас синоќа го победи и Ливерпул во англискиот Супер Куп на пенали 5-4 откако во основното време резултатот беше 2:2. Ова е втор трофеј во 120-години старата клупска историја на тимот од Лондон.
- Претседателот на Фудбалскиот сојуз на Чешка Давид Трунда изјавил дека во предлогот на Џани Инфантино за продажба на правата на Мундијал на приватна компанија гледа прилика за „дополнителен развој на националниот фудбал и вложување во инфраструктурата и младинските програми“.
- Планот на ФИФА односно на нејзиниот прв човек Инфантино е Светската фудбалска организација да основа нова компанија која би управувала со правата на Светските првенства во фудбал за мажи и Светско клупско првенство за жени и да овомозжи вле на приватен капитал. УЕФА и ЕУ бурно реагираа на оваа идеја.
- „Гледам конкретна корист за чешкиот фудбал низ блиска соработка со Џани Инфантино и неговиот тим. Секако потребно е да добиеме повеќе информации но мојот личен впечаток е дека овој план може да донесе многу позитивни ефекти“, рекол Трунда.
- Компанијата ФИФА Форвард Ентерпрајз би имала капитал од 20 милијарди долари кои би се распределиле на 211 членка на ФИФА. ФИФА би задржала мнозински контролен пакет а 20% од акциите би оделе на приватни инвеститори.
- Легендарниот италијански репрезентативец, Алесандро Неста преку суров пример само ја потврди очајната ситуација во која се наоѓа националниот тим на неговата земја.
- „Син ми кој има скоро 18 години, никогаш не ја гледал Италија на Светско. Кога ќе му кажам дека бевме светски прваци, тешко му е да поверува“, вели шампионот од Мундијалот 2006-та.
- За Неста, таа фраза сумира сè. Историска репрезентација, четири ѕвезди на градите, а сега цела генерација ја знае Италија само надвор од Мундијалите.
