- Прославениот хрватски репрезентативец Иван Перишиќ кого навивачите на сплитски Хајдук со години го чекаа да се врати во нивниот клуб, неславно заминува од „Пољуд“.
- Хајдук пред новата сезона го претстави Џенаро Гатузо за нов тренер. После само неколку кола во новата сезона, Гатузо го исфрлил Перишиќ од тимот за неделното гостување кај Локомотива во Загреб поради недисциплина.
- Навивачите на Хајдук застанале на страна на Гатузо а некогашниот фудбалер на Волфсбург, Баерн Минхен, Интер и Тотенхем бил навредуван и бркан од клубот. Денес Хајдук соопшти дека со Перишиќ спогодбено е раскинат договорот.
- Поранешниот репрезентативец на Македонија, Младен Ѓуроски и официјално ја поднесе својата кандидатура за нов претседател на КФМ, а заедно со кандидатурата, како предводник на иницијативниот одбор за промени го закажа и Вонредното Собрание за 30 април.
- На иницијативата се потпишале „за“ нешто над 40 клуба, пишува Гол.мк. Тоа значи дека на Перо Антиќ, кој е на чело на Кошаркарската федерација од 2019 година, му преостануваат уште 15 дена.
- Во тимот на Ѓуроски ќе бидат дел од нашите најдобри кошаркари во историјата, а тоа се Врбица Стефанов, Владо Илиевски и Петар Наумоски, кој беше прв човек на КФМ во периодот 2015-2019.
- По последниот состанок на клубовите и на федерацијата, судиите синоќа одлучија да го прекинат штрајкот и натпреварите да продолжат веднаш по велигденските празници.
- Првите средби од плејофот би биле играни во среда, по што во забрзан ритам би продолжил шампионатот за да се надополни пропуштеното.
- Судиите би се вратиле на терен на 23 април, прифаќајќи да почекаат најдоцна до 25 април за целосна исплата на долговите од федерацијата, нешто што им беше ветено од страна на првите луѓе на мак-баскетот на последниот состанок.
