- По големата зделка во која ППФ групата под закрила на Телеком Србија откупи 100 одсто од уделот во компанијата СББ, генералниот директор на српски Телеком Владимир Лучиќ го потврди она што се најавуваше.
- „Телеком го откупи Спорт клуб за Западен Балкан, така што спортскиот канал Арена ќе биде единствен на таа територија па сиот спорт ќе биде на едно место што е победа за љубителите на спортот. Ќе има подобра цена на пакетите зошто веќе нема да има битка меѓу два гиганти на тендерот, па ќе бидат и помали трошоците за правата на спортски преноси“, заклучил Лучиќ во гостување на РТС.
- Од Јунајтед груп кој го продаде уделот велат дека „постоечките права на спортски преноси од Спортклуб во иднина преминуваат на Арена Група и додаваат дека веб порталот Спорт клуб ќе продолжи со работа, а новинарите од тој канал ќе спремаат спортска содржина за каналите на „Јунајтед медија“.
- Во Серија А има голема тренерска вртелешка летово. Масимилијано Алегри е старо-нов предводник на Милан, Џан Пјеро Гасперини отиде во Рома а на негово место Аталанта денес го постави хрватскиот тренер Иван Јуриќ.
- На големо изненадување на италијанската јавност, Аталанта се реши за Јуриќ и му дала 2-годишен договор. Јуриќ (49) досега водеше неколку италијански клубови меѓу кои Кротоне, Џенова, Палермо и Торино. Беше неколку месеци во Саутемптон каде забележа бројни порази и доби отказ од тимот кој испадна во втора лига.
- По сјајните златни одличја на РК Вардар 1961 кој стана двократен европски шампион во Лига на шампиони и ЖРК Кометал Ѓорче Петров кој исто ја освои европската титула, РК Алкалоид денес стана првак во Европскиот Куп на ЕХФ.
- По одлука на Европската куќа на ракометот, епилогот од реванш мечот меѓу Алкалоид и АЕК е службена победа на скопскиот тим 20:0 што значи дека „фармацевтите“ се нови шампиони во Европскиот Куп.
- Кире Лазаров стана прв македонски тренер со освоен европски трофеј. Претходно Вардар 1961 го водеа Раул Гонзалес и Роберто Гарсија Парондо до евро-титулите а Кометал Ѓорче Петров освои со рускиот стратег Александар Панов.
