Вести › Набрзинка

Телеком Србија ги купи правата за Спорт клуб за Македонија

12 февруари 2025

Телеком Србија соопшти дека ги купува NetTV Плус, DTH во Србија и Македонија и лиценците за права на Спорт клуб за западен Балкан.
Правата, лиценците и другиот имот поврзан со Спорт клуб каналите за Србија, Македонија, Црна Гора и Босна се купуваат од групацијата ЈУнајтед за 652 милиони евра.
Оваа аквизиција е дел од плановите на Телеком Србија да стане водечка телеком компанија на Западен Балкан која до 2030 година би имала приходи до три милијарди евра годишно.

извор

Почна судењето на сопругот за наведување на самоубиство

30 март 2026

На судењето против Стојанче Јовановски, кој се товари дека преку континуирано семејно насилство ја довел својата сопруга Ивана Јовановска до самоубиство, при што животот го загуби и нивната малолетна ќерка Катја Јовановска по пад од балкон, обвинетиот изјави дека чувствува вина за дел од делата што му се ставаат на товар, но го отфрли обвинението за наведување и помагање при самоубиство.
Прва сведочела мајката на жртвата Ивана, Љубица Стојаноска од Скопје: „Го викав ‘сине’, ‘синко’. Имале проблем, не знаев. Ја гледав Ивана модра по рацете, еднаш и со модро око, таа ми рече паднала од тротинет. Еднаш зетот ми се јави ноќе, Катја беше мала: ‘Тетка Љубица дојди да си ја земеш ќерка ти Ивана курвата!’
„Се сомневав дека е тепана, ама Ивана не ми признаваше. ‘Ќе биде мамо во ред’, ми велеше кога ја прашував. А зетот никогаш не го прашав. Од Катја дознавав: ‘Бабо јас ќе ти кажам, ама не ѝ кажувај на мама. Мама вака чучнуваше доле, а тато ја шутираше.

извор

Иранците уништија американски АВАКС

30 март 2026

Во напад со дронови врз воена база во Саудиска Арабија беше уништен витален E-3 Sentry авион, популарно наречен АВАКС (Airborne Warning and Control System).
Се работи за летало кое се смета за драгоцен камен во круната на американската авијација, служи како нервен центар кој собира клучни податоци за состојбата на теренот, покривајќи преку 300.000 квадратни километри од бојното поле.
Американците имаа 16 вакви летала, сега имаат 15. 40% од таа флота е ангажирана околу Иран.
Освен ранетата гордост, материјалната штета се проценува на 500 милиони долари.
Во нападот на базата Принц Султан биле ранети 15 американски војници.

извор