- Македонскиот шампион Шкендија може да биде задоволен од тоа како помина на денешната ждрепка за последното 4. квалификациско коло (плејоф) за влез во Лига на шампиони. Црвено-црните би играле против победникот од двомечот на унгарскиот шампион Ференцварош и бугарскиот Лудогорец.
- Според ждрепката првиот натпревар во евентуалниот бараж Шкендија би го играла на гостински терен на 19 или 20 август, додека реваншот во Скопје би бил на 26 или 27.
- Но претходно Тетовци ќе имаат исклучително тешка задача против шампионот на Азербејџан Карабах. Првиот меч се игра веќе утре вечер во Скопје, а реваншот е за 7 дена на гости.
- Црвена звезда ако го мине полски Лех Познањ, на последното скалило ќе се соочи со подобриот од двомечот Динамо Киев - Пафос. Боде Глимт ќе игра против Штурм Граз, Селтик против подобриот од двомечот Слован - Каират, а Базел ќе се судри против еден од Копенхаген или Малме.
- Во патот за шампиони Феенорд или Фенербахче ќе играат против Бенфика или Ница, а Ренџерс или Викторија Плзен ќе се сретнат со Клуб Бриж или Салцбург.
- Претседателот на Фудбалскиот сојуз на Чешка Давид Трунда изјавил дека во предлогот на Џани Инфантино за продажба на правата на Мундијал на приватна компанија гледа прилика за „дополнителен развој на националниот фудбал и вложување во инфраструктурата и младинските програми“.
- Планот на ФИФА односно на нејзиниот прв човек Инфантино е Светската фудбалска организација да основа нова компанија која би управувала со правата на Светските првенства во фудбал за мажи и Светско клупско првенство за жени и да овомозжи вле на приватен капитал. УЕФА и ЕУ бурно реагираа на оваа идеја.
- „Гледам конкретна корист за чешкиот фудбал низ блиска соработка со Џани Инфантино и неговиот тим. Секако потребно е да добиеме повеќе информации но мојот личен впечаток е дека овој план може да донесе многу позитивни ефекти“, рекол Трунда.
- Компанијата ФИФА Форвард Ентерпрајз би имала капитал од 20 милијарди долари кои би се распределиле на 211 членка на ФИФА. ФИФА би задржала мнозински контролен пакет а 20% од акциите би оделе на приватни инвеститори.
- Легендарниот италијански репрезентативец, Алесандро Неста преку суров пример само ја потврди очајната ситуација во која се наоѓа националниот тим на неговата земја.
- „Син ми кој има скоро 18 години, никогаш не ја гледал Италија на Светско. Кога ќе му кажам дека бевме светски прваци, тешко му е да поверува“, вели шампионот од Мундијалот 2006-та.
- За Неста, таа фраза сумира сè. Историска репрезентација, четири ѕвезди на градите, а сега цела генерација ја знае Италија само надвор од Мундијалите.
