Offside › Набрзинка

Се тепаат играчи, тренери, судии: Дуелите против Чаир 2030 станаа - опасни по живот!

20 септември 2024

Последната епизода од серијата инциденти кои ги направија приврзаници (не ги именувајте како навивачи затоа што навивачи не се по ниту еден основ) на кошаркарскиот клуб Чаир 2030 само уште еднаш го покажа самоволието и неказнивоста на поединци во македонското општество.
Во краток временски период ова е втор инцидент на луѓе кои го следат чаирскиот прволигаш со оглед на тоа што и на една пријателска против Работнички дебел крај извлече репрезентативецот на Македонија Виктор Ефремовски кому му беше искршен носот.
Имаше голем инцидент и кога кошаркар на Работнички пред две години беше удрен директно на паркетот од официјалниот фотограф на клубот Чаир 2030.
Проблем имаше и кога шампионот МЗТ Скопје гостуваше во Чаир во салата „Шабан Трстена“ па тогаш помошник-тренер на гостите тврдеше дека бил физички нападнат. КФМ во сите случаеви досега, од само ним познати причини, изрече благи казни.

извор

Миовски пред Шкотска: Време е за заедништво - поддршката од публиката ни е ептен потребна!

2 октомври 2026

Напаѓачот на македонската фудбалска репрезентација и член на шкотскиот великан Глазгов Ренџерс, Бојан Миовски, побара максимална сплотеност и најави поинаков пристап пред утрешниот дуел против Шкотска во Лигата на нации од 20:45 часот.
По воведните порази од Швајцарија и Словенија, нашиот голгетер верува дека излезот од резултатската криза лежи исклучиво во тимската игра. Свесен за притисокот по лошиот старт, Миовски потенцираше дека сега е моментот зборовите да се преточат во дела на зелениот терен.
„Секој период во репрезентацијата носи свои предизвици. Немаме посакувани резултати како што очекувавме, но сега сме во момент кога треба да покажеме заедништво. Можеме да зборуваме многу, да кажуваме било што, но сега треба да бидеме тим и тоа на дело да го докажеме на терен“, изјави Миовски.
„Ние играме дома и мораме да бидеме како еден колектив, не сме селекција која може да се потпре на индивидуален квалитет. Ако бидеме колектив, ќе се вратат резултатите. Фудбалот се игра за публика, колку е пополн стадионот, толку и самодовербата е поголема. Знаеме и свесни сме дека сме во криза, затоа ги повикувам сите навивачи да ни ја дадат поддршката сега кога е најтешко.“

извор

Седлоски: Не дека селекторот се вади, но факт е дека националните тимови во Б дивизијата се подобри

2 октомври 2026

„Овие момци тука кои се, ве молам дајте им поддршка на сите. Ја подмладивме репрезентацијата, уште ќе подмладувам. Критиките нека одат кај мене, а јас по договор со федерацијата ќе подмладувам. Сакаме да создадеме нови играчи, го кажав тоа по мечот во Љубљана и на тој процес останувам до крај.
Играме во Лигата Б, не е дека селекторот се вади, туку факт е дека националните тимови се подобри. Кога доаѓав, знаев каде влегувам и знаев со какви репрезентации се игра. Кога игравме и во Лигата Ц се мачевме и во нападот и со головите. Работам, гледам, следам и знам што правам.
Спремни сме да излеземе на терен, да покажеме карактер и она што го играме во Словенија, од кое можам да бидам задоволен освен од резултатот, да продолжиме во тој ритам, да не се браниме.“, изјави Седлоски.

извор