Offside › Набрзинка

Се шушкаат имињата за нов тренер на Барселона

29 јануари 2024

Шпанските упорни спортски новинари изрудариле информација од најтесниот круг раководни лица во Барселона и од неделата вечер има натписи дека Германецот Ханси Флик би можел да го наследи Чави.
Флик би требало да седе на клупата на Барселона на крајот од актуелната сезона. Ханси беше сјаен предводник на Баерн Минхен со кого освои дури шест трофеи и играше прекрасен фудбал, но подоцна не се снајде баш најдобро во репрезентацијата на Германија и поради очајни резултати доби отказ. На негово место дојде поранешниот тренер на Баерн Минхен, РБ Лајпциг и Хофенхајм Јулиан Нагелсман.
Чави во саботата вечер после тешкиот пораз од Виљареал 3:5 изјави дека си оди по крајот на сезонава во јуни. Покрај Флик, за нов тренер на Барселона се споменуваат уште Тиаго Мота, Иманол Алгуасил, Серџо Консеисао и Мичел.

15 јануари 2025

Во вторникот вечер започна ракометниот Мундијал на кој учествува и Македонија која вечерва од 20:30 отвора против Унгарија.
Светското ќе се игра до 2-ри февруари и е прв Мундијал во три земји: Данска, Норвешка и Хрватска. Македонските ракометари ќе играат во Вараждин и во првата и во евентуална втора фаза.

15 јануари 2025

Енис Барди доби раскин на договорот со Трабзонспор и стана слободен играч откако неколку месеци беше изолиран од првиот тим и тренираше индивидуално.
Плејмејкерот во меѓувреме доби нова понуда од Шпанија, каде претходно со голем успех го носеше дресот на Леванте.
Има понуди и од Леганес и од Рајо Валјекано, но последните информации говорат дека Еспањол е најблиску до неговиот потпис.