- Некогашниот српски прославен фудбалер а сега тренер Саво Милошевиќ го заврши и својот втор мандат на клупата на неговиот Партизан. Милошевиќ по доаѓањето забележа 6 победи и 2 нерешени средби на 8 средби со екипата, но поради несогласици со новата управа решил да замине.
- Во Партизан пред извесно време настанаа драстични промени, се избра нова Работна група со претседател (политичарот и некогашен министер Расим Љајиќ), Предраг Мијатовиќ и Данко Лазовиќ.
- Новата управа се решила и на драстично кратење на бројот на вработени и намалување на трошоците за плати. На Саво не му се допаднала идејата платата да му биде смалена а притоа и одбил да прифати некои сугестии од Мијатовиќ за кадровски промени во екипата.
- Претседателот на Ракометната федерација на Словенија, Бор Розман, најави дека неговата земја заедно со Македонија и со Србија се во преговори за поднесување заедничка кандидатура за организирање на Европското првенство 2034 година.
- Според првичните најави, Македонија би била домаќин на група во првата фаза, како и на натпреварите од вториот сегмент.
- Словенците би организирале натпревари од двете фази, како и од полуфиналето, додека во Србија би се играла завршницата на шампионатот поради капацитетот на салата.
- Македонија досега беше домаќин на женско ЕП 2008 самостојно и заеднички со Црна Гора и Словенија на ЕП 2022.
- Новото раководство на КФМ го промовираше Марјан Илиевски за нов предводник на македонската кошаркарска репрезентација, кој доаѓа како наследник на Александар Јончевски.
- Илиевски беше тренер на Пелистер, Сигал Приштина, Блокотехна, АВ Охрид, Кожув и Лирија. Помошници ќе му бидат Боби Митев, Борче Даскаловски и Мирко Петрески.
- Прва задача му се претквалификациите за СП 2027 година, каде Македонија е во група со Унгарија и Романија, мечеви кои ќе се играат во август.
- Договорот е на четири години и тој е вкупно 15-ти селектор на македонската кошаркарска репрезентација.
