- Дваесет и едно годишниот Габри Веига од Селта Виго летово беше еден од најбараните фудбалери во Европа. Италијанскиот шампион Наполи беше на праг од договор со Веига. Понудија Наполитанците над 30 милиони евра, Селта прифати но на крај трансферот се изјалови.
- Синоќа стигна вест дека Веига на 21 година оди во клубот на нашиот Езѓан Алиоски, Ал Ахли во Саудиска Арабија. Таму се веќе Ријад Марез, Роберто Фирмино и Едуар Менди.
- Интересно, тренер на Ал Ахли е врвниот германски стручњак Матиас Јаисле кој иако има само 35 години, со голем успех го водеше Ред Бул Салцбург и се очекува да стане еден од најдобрите германски стратези.
- Протестите на навивачите на Лацио против Клаудио Лотито се одразуваат и финансиски врз клубот.
- Во првата кампања за обновување на сезонски билети, регистрирани се околу 2.000, што значи скоро 28.000 сопственици на сезонски, засега избраа да не ги потврдат своите места на стадион.
- Оваа бројка се однесува само на првиот дел од кампањата и затоа не го претставува конечниот број за сезоната 2026/27.
- Помеѓу 2022 и 2026 година, навивачката база беше стабилна со околу 30.000: 26.193 во 2022/23, 30.333 во 2023/24, 29.036 во 2024/25 и 29.918 минатата сезона. Континуитет кој сега ризикува нагло да биде прекинат.
- Откако Жозе Мурињо одлучил дека за младиот талентиран центарфор Гонзало Гарсија нема место во екипата и нема да добива доволно минутажа, кралскиот клуб брзо му најде нова средина.
- Англиски Фулам плаќа 70 милиони евра за потписот на младиот 22-годишен Шпанец роден во Мадрид.
- Како што пишува Кадена КОПЕ, фудбалерот кој на 39 настапи постигна 8 гола од кои 6 во Ла Лига минатата сезона, набрзо ќе се пресели на „Крејвен Котиџ“.
- Реал Мадрид заработи повеќе од сто милиони евра од продажба на играчи од нивната академија. Нико Паз замина за 60 милиони евра, Виктор Муњоз за 20 милиони евра, Алваро Родригез за 12,5 милиони евра, Рафа Мартин за 15 милиони евра, Алекс Хименез за 12,5 милиони евра, Марио Мартин за 3,5 милиони евра и Фран Гарсија за 4 милиони евра. Вкупно околу 107,5 милиони евра заработка.
