Offside › Набрзинка

Салах го оправда ставот на Ливерпул да одбие 150 милиони

26 септември 2023

Со 4 гола и 5 асистенции на 7 меча во Премиер Лига и Лига Европа и со фантастични настапи на стартот од сезоната, Мохамед Салах докажа дека црвените не залудно решиле да го одбијат Ал Итихад кој на крајот од преодниот рок во Саудиска Арабија понуди астрономски 150 милиони евра за него.

Најдобриот египетски фудбалер во историјата, прифати да остане на „Енфилд Роуд“ и го води Ливерпул в нови победи. После 6 одиграни кола, тимот на Клоп има 5 победи и 1 нерешена и гол разлика 15:5 со што се втори на табела со 16 бода зад лидерот Сити кој има 6/6.

извор

Новак го зачуди светот со името на новиот тренер

23 ноември 2024

Новак Ѓоковиќ објави дека негов нов тренер кој ќе го спрема за Австралија Опен и за некои други турнири е неговиот добар другар од детство и долгогодишен ривал на тениските терени Енди Мареј.
Легендарниот шкотски тенисер ја заврши својата богата кариера на Олимписките Игри во Париз а сега ќе заплива во тренерски води и ќе соработува со Новак Ѓоковиќ.
Србинот и Мареј во кариерата одиграа 36 меѓусебни дуели. Ѓоковиќ славеше на 25 меча а 11 пати подобар беше Мареј. Енди во кариерата освои две титули на Вимблдон и една на УС Опен а има и две олимписки злата кои ги освои во 2012 и 2016.
„Возбуден сум што еден од моите најголеми ривали ќе биде со мене од иста страна на мрежата, овојпат како мој тренер. Се радувам што сезоната ќе ја започнам заедно со Енди и што ќе биде со мене баш во Мелбурн каде делевме многу исклучителни моменти во кариерата“, изјави Новак Ѓоковиќ.

извор

Не им успеа обидот на Косоварите, УЕФА ги казни

21 ноември 2024

Во самиот финиш од мечот Романија - Косово во Лига на Нации, гостинските фудбалери во 90' минута кога сфатија дека немаат веќе шанса за прво место за кое им требаше победа од најмалку три гола разлика, при резултат 0-0 решија да го напуштат теренот поради тоа што домашните навивачи им скандирале „Косово е Србија“.
УЕФА неколку дена го разгледуваше случајот, а на крајот пресуди Романија службено да го добие мечот со победа од 3:0. Косовскиот фудбалски сојуз е казнет и со 6.000 евра парична казна поради тоа што репрезентативците ги одбивале повиците на делегатот да се вратат на теренот и да го довршат мечот.
Романија ќе мора да плати 128.000 евра и еден меч ќе мора да игра без присуство на публика поради односот на своите навивачи.

извор