- Убави ветришта дуваат кај двократниот европски шампион. По освоениот Куп пехар до кој дојдоа со крајни маки против тврдиот орев, црвено-црните блескаат и во првенството каде се први и на чекор до нова шампионска титула после цели 5 години.
- Управата на чело со почесниот претседател Михајло Михајловски денес на прес-конференција потврди дека клубот го договорил и 23-годишниот француски ракометар Матео Фадуил.
- Во оваа сезона, Фадуил настапува за Трембли за кого на 24 натпревари даде 157 гола. Французинот во Трембли е од 2022 година, а покрај за Нант за кого играше од 2019 до 2021, настапуваше и за Саран на позајмица и за Кретеј. „Фадуил ќе биде и последно засилување во ростерот на Вардар за новата сезона“, потврдил Михајло Михајловски кој додал и дека според тренерот Чупиќ, Вардар 1961 ќе биде за 40% појак од оваа сезона.
- Претходно, Вардар за следната сезона ги договори Мохаб Абделхак, Милан Бомаштар и Леон Љевар.
- Ракометниот клуб Вардар 1961 објави и дека договорил нов моќен спонзор со кој ќе соработува во иднина. Станува збор за „Казинос Австрија Интернешионал“, компанија која ќе биде еден од главните поддржувачи на вардарци.
- 45-годишниот голман на ракометниот клуб Радовиш Славјан Паунов синоќа на мечот од доигрувањето за опстанок во Суперлигата против РК Струга, за последен пат го носеше голманскиот дрес на Радовишани.
- Искусниот голман го одигра последниот натпревар во својата неверојатно долга кариера која ја започнал во 1997-ма година.
- Паунов беше највозрасен ракометар кој некогаш играл во домашната Суперлига. Настапуваше уште и за Овче Поле, Тиквеш и Борец ФЛ а најголем дел од кариерата беше во РК Радовиш.
- Младата екипа на Радовиш испадна од Суперлигата но нема да остане запаметена како прва што испаднала во втора лига без ниту една победа затоа што синоќа конечно славеа 32-29 против Струга во последното коло. Стружани играа со изменет состав затоа што главните ракометари беа на поштеда за баражот кој ги чека против Младост Богданци за опстанок во Суперлига.
- И покрај тоа што беше веќе потврдено дека некогашниот капитен и легенда на Севиља и Реал Мадрид ќе купи мнозински пакет акции во андалузискиот клуб, луѓето од клубот се откажале и ги допратиле до врата. „Договорот е прекршен и пропадна“, така рекол извор од клубот Севиља за последниот состанок меѓу инвестициската група на Серхио Рамос и луѓето од клубот.
- Рамос и неговите партнери претставиле значајни измени на договорот постигнат на 12-ти мај во кој се обврзале дека ќе платат 450 милиони евра, ќе го смалат признатиот јавен долг од 88 милиони евра за 80% од акциите на клубот“, рекол неименуван извор и додал: „Рамос после дојде со нова идеја: да купи околу 30.000 од акциите за 100 милиони евра, а договорот беше да купи 86.000 акции. После ова групата на Рамос предложила да ја зголеми сумата на 120 милиони но за 42% од акциите.
- „Бевме шокирани зошто сакаше да ја купи Севиља за едвај речиси 100 милиони евра, па после да изврши зголемување на капиталот од нешто повеќе од 100 милиони евра и на акционерите да им плати многу помалку. После ова состанокот беше распуштен“.
