- Во емисијата El Chiringuito, најгледана емисија за фудбал во Шпанија, новинарот Хозе Алварез пренел дека Реал Мадрид наводно ја разгледува варијантата да го врати Зинедин Зидан на клупата.
- Откако беше јасно дека Карло Анчелоти ќе стане нов селектор на Бразил во јуни следната 2024-та година а Реал ќе остане без тренер, „кралскиот клуб“ е во потрага по негов наследник.
- Реал Мадрид според Алварез веќе контактирал со Зизу во кого гледа идеален човек кој би можел да го донесе Килијан Мбапе на „Сантијаго Бернабеу“. Зизу го водеше Реал од 2016 до 2018 и од 2019 до 2021 и му донесе три пехари во Лига на шампиони, две титули во Ла Лига, Суперкуп на Европа, Суперкуп на Шпанија и трофеј од Светско клупско првенство.
- Откако решија да не го откупат договорот на Маркус Рашфорд кој беше позајмен од Манчестер Јунајтед, луѓето од управата на Барселона синоќа го претставија новото скапоцено засилување за новата сезона.
- Англискиот репрезентативец Антони Гордон доаѓа на „Камп Ноу“ од Барселона во трансфер вреден 70 милиони евра плус 10 милиони евра во вид на различни бонуси. Гордон потпишал петгодишен договор.
- Напаѓачот доаѓа како замена за Рашфорд и Левандовски кои заминуваат од Барселона.
- Овој трансфер покажува дека Барселона конечно финансиски закрепнала затоа што во претходните преодни рокови мака мачеше со трансфери и регистрација на фудбалерите.
- 45-годишниот голман на ракометниот клуб Радовиш Славјан Паунов синоќа на мечот од доигрувањето за опстанок во Суперлигата против РК Струга, за последен пат го носеше голманскиот дрес на Радовишани.
- Искусниот голман го одигра последниот натпревар во својата неверојатно долга кариера која ја започнал во 1997-ма година.
- Паунов беше највозрасен ракометар кој некогаш играл во домашната Суперлига. Настапуваше уште и за Овче Поле, Тиквеш и Борец ФЛ а најголем дел од кариерата беше во РК Радовиш.
- Младата екипа на Радовиш испадна од Суперлигата но нема да остане запаметена како прва што испаднала во втора лига без ниту една победа затоа што синоќа конечно славеа 32-29 против Струга во последното коло. Стружани играа со изменет состав затоа што главните ракометари беа на поштеда за баражот кој ги чека против Младост Богданци за опстанок во Суперлига.
