Offside › Набрзинка

Прво Светско на Шпанија без ниту еден играч на Реал

26 мај 2026

Европскиот првак ќе патува на Мундијалот без ниту еден играч на Реал Мадрид во својот состав за прв пат во историјата, откако селекторот Луис де ла Фуенте го објави списокот од 26 играчи.
И покрај загриженоста за физичката подготвеност, Ламин Јамал е вклучен откако ја повреди тетивата во април и ја заврши предвреме сезоната.
Од Реал Мадрид изоставени се Дин Хујсен, Дани Карвахал и Гонзало Гарсија, а од Барса Фермин Лопез. Го нема и ветеранот Алваро Мората од Комо, кој ја предводеше Шпанија до трофеј на ЕП 2024.

26 мај 2026

Легендарната ракометарка на Кометал Ѓорче Петров обезбеди пласман во АРКУС лигата, откако Војводина во баражот за влез во елитата го совлада убедливо Железничар со 38:18.
Будимир е ангажирана како тренер на Војводина од управата предводена од Тања Медвед, која исто така е поранешна ракометарка на Кометал.
Стана прва жена тренер во машката репрезентација на Македонија У-17, како и прва во машки сениорски тим, а тоа е Скопје. Тренерската кариера ја почна во академијата на Вардар.

25 мај 2026

Дамјан Стојановски испиша нова страница во македонската кошаркарска историја. Стана најтрофеен кошаркар со 11 првенствени титули, сите со МЗТ. Огнен Стојановски и Марјан Ѓуров имаат по 10, Бојан Kрстевски 7.
Дамјан претходно сезонава стана и најтрофеен кошаркар во Купот на Македонија, каде исто така стигна до 11 трофеи.
Кошаркарите на МЗТ Скопје остануваат неприкосновен владетел во македонската кошарка со 13 титули, откако го решија Маџари во финалната серија со 3:0. За МВП е прогласен Војдан Стојановски.