- Повеќе месечните протести против употреба на ВАР систем на фудбалските терени во Шведска вродија со плод. Навивачите бурно протестираа од коло во коло и на крајот остварија победа.
- Шведска и официјално стана прва земја која што одбила да користи ВАР систем за проверка на спорни моменти од натпреварите и корекција на судиски одлуки.
- „ВАР нема да се имплементира во нашите натпреварувања“, рекол претседателот на шведската фудбалска федерација Фредрик Рајнфелд кој бил порано и премиер на Шведска и кој претходно најавувал дека овој систем е „наша иднина“.
- Шведските клубови воглавно се организирани по германскиот систем 51% во сопственост на членовите на клубот односно навивачите кои поседуваат и сезонски карти. „Ако добро изброив, имаме 18 елитни клубови и два сојузи кои рекоа дека не сакаат да се внесе ВАР. Го почитуваме тоа“.
- Соседна Норвешка пред една година воведе ВАР систем но и таму траат бурни реакции против и прашање е колку долго ќе се задржи оваа технологија.
- Врвниот француски плејмејкер Силвен Фрасиско пред само неколку недели премина од литвански Жалгирис во АСВЕЛ. Но во францускиот клуб и покрај силните најави за рекорден буџет и многу засилувања, очигледно нешто не е како што треба па играчите кои летово дојдоа сега би можеле да си одат.
- Еден веќе си отиде: и тоа најголемата ѕвезда Силвен Франсиско кој потпиша со Панатинаикос и му се приклучи на ѕвездениот состав на Жељко Обрадовиќ.
- Свесен дека нема ништо од „историскиот буџет од 53 милиони евра“ туку дека ќе имаат на располагање 24 милиони евра, Тони Паркер, првиот човек на АСВЕЛ решил само да го проследи Франсиско во Панатинаикос откако добил богата понуда од милијардерот Јанакопулос.
- „На почеток претседателот на АСВЕЛ Тони Паркер не беше спремен да се откаже од Франсиско, но на крајот ја прифати понудата на Панатинаикос, откако сопственикот на грчкиот клуб Димитрис Јанакопулос одлучи да му ја исполни најголемата желба на Жељко Обрадовиќ кој Французинот од почеток го гледаше како идеално решение за позицијата плејмејкер. Јанакопулос направи решителен потег и му понуди на АСВЕЛ милион евра за раскин на соработката со Франсиско. После неколку дена преговори Паркер прифати“, вели грчкиот портал СДНА.
- Панатинаикос направи страшен состав па така Жељко Обрадовиќ ќе ги има на располагање: Силван Франсиско, Костас Слукас, Џереми Грант, Кендрик Нан, Бранку Бадио, Најџел Хејс-Дејвис, Исак Бонга, Жерсон Јабуселе, Хуанчо Ернангомез, Костас Митоглу, Матијас Лесор и Мустафа Фол кој дојде од најголемиот ривал Олимпијакос.
- Од екипата заминаа: Мариус Григонис, Кенет Фарид, Ти-Џеј Шортс, Алескандрос Самодуров, Џеди Осман (отиде во лутиот ривал ПАОК) и Василис Толиопулос.
- Претседателот на Фудбалскиот сојуз на Чешка Давид Трунда изјавил дека во предлогот на Џани Инфантино за продажба на правата на Мундијал на приватна компанија гледа прилика за „дополнителен развој на националниот фудбал и вложување во инфраструктурата и младинските програми“.
- Планот на ФИФА односно на нејзиниот прв човек Инфантино е Светската фудбалска организација да основа нова компанија која би управувала со правата на Светските првенства во фудбал за мажи и Светско клупско првенство за жени и да овомозжи вле на приватен капитал. УЕФА и ЕУ бурно реагираа на оваа идеја.
- „Гледам конкретна корист за чешкиот фудбал низ блиска соработка со Џани Инфантино и неговиот тим. Секако потребно е да добиеме повеќе информации но мојот личен впечаток е дека овој план може да донесе многу позитивни ефекти“, рекол Трунда.
- Компанијата ФИФА Форвард Ентерпрајз би имала капитал од 20 милијарди долари кои би се распределиле на 211 членка на ФИФА. ФИФА би задржала мнозински контролен пакет а 20% од акциите би оделе на приватни инвеститори.
