- Англискиот шампион западна во сериозна резултатска криза на која не и се гледа крајот (само 4 победи на последните 14 средби). На страна тоа, работите не стојат воопшто добри ниту во соблекувалната. Многумина тврдат дека тренерот Арне Слот ја изгубил истата, дека играчите веќе не му веруваат, а Мохамед Салах прв истапи јавно и се пожали дека е шокиран што дури три натпревари по ред седи на клупа за резерви.
- Салах како последица на неколку испади во јавноста по ред не е повикан на списокот играчи за дуелот со Интер во Лига на шампиони во вторник вечер.
- „Не е лесна ситуација, но ние како група правиме се што можеме. Имаме личен однос со него (со Салах), играв со Мо уште откако сум дојден во Европа, една година во Рома и осум во Ливерпул. Тој е прекрасен човек, одличен карактер и легенда на Ливерпул. Не сум среќен поради ова, но во фудбалот немаме многу време за да жалиме. Имаме голем предизвик утре, голем противник. Салах не е повикан како последица на тоа што го направи и тој е доволно паметен да го знае тоа. Не сум зборувал со Мо за тоа. Имаме добар однос, не е само соиграч, туку поминуваме многу време заедно, добри пријатели сме“, рекол Алисон Бекер и одговорил на прашањето дали Салах ќе игра пак дека „не знае но се надева“.
- Вечерва од 21 часот ќе се одиграат сите 18 натпревари од последното коло на Лига на шампиони. Во вторникот вечерта немаше фудбал, сите натпревари се закажани за вечерва. Дури 32 екипи од вкучно 36 имаат шанса за пласман во следна рунда.
- Арсенал и Баерн Минхен се сигурни патници директно во осминафинале, а за разигрување шанси имаат голем број екипи. Од 6-то до 13-то место има група клубови со по 13 бода и сите ќе бркаат директен пласман во 1/8 финале и ќе се потрудат да избегнат доигрување.
- На крајот тимовите пласирани од 9-то до 24-то место ќе играат во доигрување за пласман во осминафинале. 9-от и 10-от ќе играат против екипите кои се на 23-то и 24-то место, 11-от и 12-от ќе играат против 21 и 22 на табела и така натаму.
- Дербито на вечерта се игра во Париз каде ПСЖ ќе го пречека Њукасл во директен дуел за место кое води право во 1/8 финале.
- Ракометарите на ЕП се соочуваат со турбо распоред, кој предвидува два натпревари за помалку од еден ден. Причината е усогласување на крајот на двете групи во Малме и Хернинг, пред полуфиналиња во петок и финалниот дел во недела.
- Се погласни се реакции дека ваквиот систем е опасен по здравјето на играчите. Поранешниот играч на Металург и Вардар, Лука Циндриќ реагираше после победата над Словенија.
- Се ме боли. Играме за помалку од 24 часа. Оној што го смислил овој распоред, сигурно никогаш не се занимавал со спорт. Се жртвуваме цели подготовки, а потоа по шестиот или седмиот меч играме меч од кој ни зависи полуфиналето. И после тоа нов натпревар за помалку од 24 часа. Тешко е и премногу интензивно. Не можеш да се регенирираш ни за два дена, а камоли за еден. Ова не е здраво за никого.
