- Центарфорот со африканско потекло од ДР Конго, роден во Белгија, Ромелу Лукаку повторно прави проблеми во Наполи. Доцнел и не се вратил навремено по репрезентативниот собир со Белгија, пропуштил неколку тренинзи и сега клубот размислува да го отстрани од екипата.
- Управата на Наполи преку соопштение најави дека ќе потегне дисциплински мерки и дека играчот би можел да биде тргнат на страна од тимот поради тешки пропусти во почитување на договроот.
- Лукаку решил да остане во Белгија за да се опоравел после болки во колкот и за тоа според него му требале 10 дена.
- „Сезонава ми е многу напорна, меѓу повредата и личната загуба (почина татко му). Знам дека има многу гласини во врска со мојата ситуација па подобро е да разјаснам се. Вистината е дека во последните недели не се чувствував добро физички. Бев на контрола во Беглија и ми открија воспаление на мускулот близу колкот. Сакав рехабилитацијата да ја продолжам во Белгија за да бидам спремен кога ќе се вратам. Го видовте и интервјуто во Верона, не сакам никогаш да му свртам грб на Наполи, никогаш“.
- 45-годишниот голман на ракометниот клуб Радовиш Славјан Паунов синоќа на мечот од доигрувањето за опстанок во Суперлигата против РК Струга, за последен пат го носеше голманскиот дрес на Радовишани.
- Искусниот голман го одигра последниот натпревар во својата неверојатно долга кариера која ја започнал во 1997-ма година.
- Паунов беше највозрасен ракометар кој некогаш играл во домашната Суперлига. Настапуваше уште и за Овче Поле, Тиквеш и Борец ФЛ а најголем дел од кариерата беше во РК Радовиш.
- Младата екипа на Радовиш испадна од Суперлигата но нема да остане запаметена како прва што испаднала во втора лига без ниту една победа затоа што синоќа конечно славеа 32-29 против Струга во последното коло. Стружани играа со изменет состав затоа што главните ракометари беа на поштеда за баражот кој ги чека против Младост Богданци за опстанок во Суперлига.
- И покрај тоа што беше веќе потврдено дека некогашниот капитен и легенда на Севиља и Реал Мадрид ќе купи мнозински пакет акции во андалузискиот клуб, луѓето од клубот се откажале и ги допратиле до врата. „Договорот е прекршен и пропадна“, така рекол извор од клубот Севиља за последниот состанок меѓу инвестициската група на Серхио Рамос и луѓето од клубот.
- Рамос и неговите партнери претставиле значајни измени на договорот постигнат на 12-ти мај во кој се обврзале дека ќе платат 450 милиони евра, ќе го смалат признатиот јавен долг од 88 милиони евра за 80% од акциите на клубот“, рекол неименуван извор и додал: „Рамос после дојде со нова идеја: да купи околу 30.000 од акциите за 100 милиони евра, а договорот беше да купи 86.000 акции. После ова групата на Рамос предложила да ја зголеми сумата на 120 милиони но за 42% од акциите.
- „Бевме шокирани зошто сакаше да ја купи Севиља за едвај речиси 100 милиони евра, па после да изврши зголемување на капиталот од нешто повеќе од 100 милиони евра и на акционерите да им плати многу помалку. После ова состанокот беше распуштен“.
