Offside › Набрзинка

Претставен новиот тренер на Вардар, целта е опстанок

9 јануари 2024

Најтрофејниот македонски клуб ФК Вардар на денешната прес-конференција го претстави новиот тренер Горазд Михајлов.
„Конечно се вратив онаму од каде потекнувам. Јас сум дете на ФК Вардар и тука бев во далечната 1982-ра кога овој за овој клуб играше генерацијата која подоцна стана и шампион на Југославија. Ми се исполни желбата да бидам тренер на најтрофејниот колектив во Македонија и сум презадоволен од овој предизвик и ангажман“, изјави новиот тренер на црвено-црните Горазд Михајлов.
Од управата на ФК Вардар изразија и голема благодарност до Град Скопје за издвоената финансиска помош и најавија подмирување на дел од долговите кон фудбалерите и членовите на стручниот штаб. Целта во новата година е опстанок во првата лига.

30 октомври 2026

На потегот од Попова Шапка до Титов Врв на Шар Планина се поставени нови ознаки и патокази кои беа оштетени во август годинава, информираат од службата за односи со јавност при „Славков проект – Обележување на планинарски патеки во Македонија“, поддржан од амбасадите на Австрија, Чешка и Словачка.
Од „Славков проект“ информираат дека по промоцијата следува и промотивно планирање со локални планинарски организации (повеќето од нив партнери во проектот), како и љубители на природата.
„Групата ја предводеа локални планинари, заедно со врвниот чешки алпинист Марек Холечек – добитник на престижната награда ‘Златен цепин’ (Piolet d’Or) во два наврати и специјален гостин на тековниот филмски фестивал ‘EХO’ во Скопје“, се вели во соопштението.

30 октомври 2026

Шампионот на Македонија, МЗТ Скопје Аеродром објави дека ја заврши соработката со досегашниот тренер Васко Атанасов. Оваа одлука доаѓа по серијата порази, од кои последниот од Струмица во Суперлигата на Македонија
Клубот соопшти дека соработката е раскината спогодбено со договор на двете страни. Од МЗТ му се заблагодарија на Атанасов за сработеното во клубот.
Васко Атанасов беше на чело на „штрковите“ од 2023 година кога седна на клупата и со доста успех го водеше тимот. Тој стана најмладиот стратег кој го освои пехарот во македонската кошарка, четири пати беше национален првак, а освои и по три Куп и Суперкуп-трофеи.