- Регионалната телевизија Спортклуб, Спортско радио 90.3 и Спорт Нетворк Продукција склопија документарен филм за македонската легенда насловен како „Патот на Кобрата до ѕвездите.
- Премиерно ќе биде прикажан во хотелот Александар Палас на 24 април во 20:00 часот.
- Генерален покровител на филмот е Универзитетот Скопје, каде во сабота од 12 часот ќе се одржи прес-конференција како најава за премиерата.
- Дисциплинската комисија на ФФМ го казни Муамед Сејдини за вршење на функција во траење од две години поради „измама и доведување во заблуда орган на фудбалска организација“.
- „Утврдено е дека Одборот за итност на ФФМ на 27.11.2024 година донел одлука за прифаќање на понуда од ДПТУ ЕНЕРГОИНВЕСТ ТРЕЈД ДОО Скопје, за изградба на трибина на стадионот „Билјанини Извори“ во Охрид, во износ од 202.919.610,00 денари без ДДВ, без услов за авансно плаќање, и го овластил тогашниот претседател Муамед Сејдини да потпише договор согласно прифатената понуда“.
- „Злоупотребувајќи ја својата положба, потпишал договор со вметнат услов за авансно плаќање од 20%, кој не бил дел од прифатената понуда, при што авансот бил исплатен без обезбедена банкарска гаранција и без соодветно овластување“, стои во дел од соопштението на ФФМ.
- Зимските олимписки игри за првпат се организираат во два града, во италијанските Милано и Кортина. Церемонијата на свечено отворање започнува вечерва од 20 часот а ќе се одржи на легендарниот стадион „Сан Сиро“ во Милано.
- На отворањето ќе настапат светски познати ѕвезди како Андреа Бочели, Мараја Кери, Лаура Паузини, Мадона и други.
- Златниот медал ќе тежи 506 грама од кои 500 грама е сребро а остатокот злато и ќе биде најскапиот медал за едни Зимски олимписки игри. Ќе се подели на најдобрите натпреварувачи во 16 дисциплини (8 спортови).
