- Порати смртта на Кралицата Елизабета, одложени се сите натпревари од англискиот, северноирскиот и шкотскиот фудбал.
- Тоа значи дека во згуснатиот распоред поради Светското во Катар во ноември, ќе треба да се најде термин за 7. коло од Премиер лигата во кое има и дерби меѓу Манчестер Сити и Тотенхем.
- Англичаните ги одложија и шампионатот во голф и коњските трки.
- По повеќе од две години без ангажман, поранешниот селектор на Македонија, Игор Ангеловски, ја продолжува својата кариера во кипарската Прва лига.
- Популарниот Мрме е назначен за нов стратег на Етникос Ахна, клуб кој важи за убедливо најмакедонски на овој остров. Таму досега настапувале 17 играчи од Македонија, а најголема легенда на клубот стана голманот Мартин Богатинов со 175 настапи.
- Прв помошник на Ангеловски ќе му биде Милан Илиевски, со кој работеа заедно во националниот тим.
- Во опширно интервју за Атлетик, некогашниот тренер на Мајнц, Борусија Дортмунд и Ливерпул кој на црвените им донесе титула после цели 30 години чекање и трофеј во Лига на шампиони, вели дека не сака да чуе да се врати во фудбалот.
- На прашањето дали чека пред тв да почне фудбал за викенд, вели: „Ни. Под. Разно.“ „Не знам ни кога почнуваат натпреварите. Надвор бев скроз. Спортував, уживав во животот, поминав време со внуците, целосно нормални работи зошто знам дека ќе работам пак. Но исто така знам дека веќе не сакам да работам како тренер. Не ми фали ништо.
- Сега можам да одам на одмор кога јас ќе кажам, односно кога ќе каже Ула (се смее), а не кога Бундеслига или Премиер ќе каже. За 25 години два пати сум бил на свадба од кои еднаш на мојата а другата пред два месеци. Во 25 години четири пати отидов во кино и тоа сите четири пати во последниве осум недели. Бев во толку многу земји како тренер и не видов ништо од нив; само хотел, стадион и терен за тренинг. Ништо друго. Не ми недостига (фудбалот).
