- Синоќа заврши главната фаза на ракометниот Мундијал. Денес е пауза, ракометарите ќе одмораат, а веќе се знае распоредот за четвртфиналните парови.
- Во Загреб Хрватска ќе игра против разгоропадената Унгарија. Хрватите одиграа луд натпревар со соседна Словенија и со многу контроверзна победа поради сомнителни судиски одлуки на кои реагираа Словенците, заверија четвртфинале. Дуелот Хрватска - Унгарија е закажан за вторник од 18 часот, а истата вечер од 21 ќе играат Франција - Египет.
- Во среда во Осло ќе се судрат Данска - Бразил од 17:30 часот а од 20:30 ќе играат Португалија - Германија.
- Пред натпреварот Ница - Рома (1-2) од 1. коло во Лига Европа, француската полиција осуетила и привела повеќе од 100 навивачи на Рома меѓу кои нашле арсенал студено оружје, палки, метални шипки, боксувачи, димни бомби и др.
- 28 навивачи од Рим по брза судска постапка биле осудени на минимум 2-месеци затвор во Ница и таму ќе останат најмалку до крајот на ноември. На оние кои се ресидивисти, односно кои го повториле делото и биле учесници во инциденти и нереди на натпреварите против Тотенхем, Билбао и Сервет, им се заканува и затворска казна до 5 години. Обвинителството во Ница им ги одбило барањата за депортација. Останатите 89 биле депортирани назад во Италија на нивен трошок.
- Рома победи 1-2 со головите на двајцата стопери Еван Ндика и Џанлука Манчини.
- Како што беше објавено веднаш по трагедијата, Ливерпул остана на зборот и целосно го исплати преостанатиот дел од договорот на семејството на Диого Жота.
- Португалецот имаше уште две сезони договор со клубот од Енфилд. Потврдата стигна од Арне Слот.
- „Неколку пати повторив колку бев горд на реакцијата на навивачите во тие денови. Сопствениците се претежно оние кои критикуваат, како и тренерите. Но, начинот на кој се справија со целата оваа ситуација... Тие им ги исплатија на сопругата и децата на Диого сите пари од договорот. Можеби луѓето мислат дека тоа е нормално, но тоа не е нормално во фудбалот“, рече тренерот на Ливерпул.
- Ливерпул, исто така, направија нешто што никогаш порано не го направие. Го повлекоа бројот 20 во сите младински категории и во првиот тим.
