Offside › Набрзинка

Познат распоредот: Македонија отвара со Швајцарија во Скопје, затвора со Словенија исто дома

13 февруари 2026

Македонската фудбалска репрезентација синоќа ги дозна своите противници за новата сезона во Лига на нации. За првпат црвено-жолтите ќе играат во силната Б дивизија а ждрепката им ги донесе Швајцарија, Шкотска и Словенија. Швајцарците и Шкотланѓаните обезбедија пласман на Светско првенство 2026 и се мошне сериозни селекции а голем предизвик ќе биде и Словенија.
Денес е утврден распоредот на натпревари во групната фаза кои ќе се одиграат во експресно темпо (два термини во септември, два во октомври и два во ноември годинава).
Распоредот на натпреварите на Македонија во ЛН:

26.09.2026 сабота 20:45 Македонија – Швајцарија

29.09.2026 вторник 20:45 Словенија – Македонија

03.10.2026 сабота 20:45 Македонија – Шкотска

06.10.2026 вторник 20:45 Швајцарија – Македонија

13.11.2026 петок 20:45 Шкотска – Македонија

16.11.2026 понеделник 20:45 Македонија – Словенија

извор

Фудбалот ги поврзува децата и ги руши бариерите

27 октомври 2026

Фудбалот како универзален јазик на пријателството, соработката и инклузијата беше во центарот на настанот „Допри го голот – Фудбал за секое дете“, реализиран од Основното училиште со ресурсен центар „Иднина“, Скопје, со поддршка на ФФМ и УЕФА Фондацијата за деца (UEFA Foundation for Children).
На настанот учествуваа ученици со типичен и атипичен развој од седум училишта од Скопје, Куманово и Кратово.
Преку заеднички фудбалски активности, учениците, наставниците и образовните асистенти испратија силна порака за важноста на инклузијата, врсничката поддршка, тимскиот дух и еднаквите можности за секое дете. Ревијалните фудбалски активности беа можност децата да се дружат, да соработуваат и да создаваат нови пријателства, потврдувајќи дека на фудбалскиот терен има место за сите.
Поддршката за ваквите иницијативи е дел од заложбите на Фудбалската федерација на Македонија за промовирање на социјалната инклузија и создавање можности што ќе му овозможат на секое дете да биде дел од фудбалската игра.

извор

539 карти за македонските навивачи во Глазгов

27 октомври 2026

ФФМ информира дека дека продажбата на билетите за претстојниот натпревар Шкотска – Македонија ќе се одвива исклучиво преку официјалната електронска платформа за продажба на билети на Фудбалската асоцијација на Шкотска.
За македонските навивачи првично ќе биде отворен секторот А2 на западната трибина, со капацитет од 539 седишта, а доколку има потреба од дополнителен број билети, ќе биде отворен и секторот А3, со дополнителни 860 седишта.
Натпреварот Шкотска – Македонија ќе се одигра на 13 ноември 2026 година, со почеток во 20:45 часот по македонско време (19:45 часот по локално време), на стадионот „Хемпден парк“ во Глазгов.

извор