- Прославениот српски фудбалер и тренер Вељко Пауновиќ кој е роден во Струмица пред 48 години, својата кариера ја започна во матичниот Партизан од каде се пресели во Шпанија и направи голема кариера во Атлетико Мадрид, Мајорка, Овиедо, Тенерифе. Играше уште и во Германија и во Русија.
- Како тренер направи најголем успех кога стана светски шампион со Србија У-20 откако во големо финале го совладаа Бразил. Многумина играчи од таа генерација веќе неколку години се во А селекцијата на Србија, меѓу нив Сергеј Милинковиќ-Савиќ, брат му Вања М.С., Александар Митровиќ, Немања Максимовиќ, Андрија Живковиќ, Немања Гудељ, Слободан Рајковиќ и други.
- Пауновиќ во мај годинава го внесе Овиедо во прва шпанска Ла Лига после повеќе од 20 години но доби отказ после само неколку кола во новата сезона. Беше успешен тренер и во МЛС лигата во Шпанија, во англиски Рединг и во мексикански Гвадалахара и Тигрес.
- Фудбалскиот сојуз на Србија се договорила со Пауновиќ тој да ја преземе репрезентацијата која има теоретски шанси да оди на Светско првенство 2026. Ја очекуваат дуели со Англија на гости во Лондон и со Летонија дома, а притоа треба да чекаат кикс на Албанија против Андора или пораз против Англија.
- Кошаркарската репрезентација на Македонија започнува нов циклус во кој предводник на селекцијата ќе биде новиот селектор кој доаѓа од Шпанија, Жозеп Мариа Берокал.
- Шпанецот го објави списокот за квалификациите за Европското во кошарка кое се игра 2029-та. На списокот има 11 играчи од домашното првенство и четворица од странство. Од натурализирани кошаркари тука е само Итан Хап, а повикани се уште и Андреј Јакимовски, Зеќири, Какруки и Мекиќ кои играат надвор од Македонија.
- Од домашните клубови најмногу играчи има од МЗТ Скопје Аеродром (четворица), од Пелистер има двајца, а по еден од Работнички, Куманово, Кожув, ТФТ и Маџари.
- Првиот сбори е закажан за 23-ти февруари во понеделник. Ќе се тренира во Скопје во реновираната сала „Градски парк“ а Македонија на 27-ми ќе игра против Луксембург. После се оди во Баку каде за 2-ри март е закажан дуел против Азербејџан.
- Како и голем број евролигашки кошаркари кои не добија дозвола од своите клубови да играат квалификации за своите репрезентации, така и Ненад Димитријевиќ нема зелено светло од Баерн Минхен да игра за Македонија на претстојните натпревари. Нема да дојдат ниту Омари Мур и Ти-Џеј Шортс.
- Голема врева се крена откако на дуелот Бенфика - Реал Мадрид кој заврши 0-1 со голот на Винисиус, Бразилецот пријави кај главниот судија дека бил навреден на расистичка основа од противничкиот фудбалер Џанлука Престијани.
- Судијата го прекина дуелот на неколку минути а сега УЕФА соопшти дека отвора истрага во врска со целиот случај.
- Винисиус е редовна мета на навивачки испади, а често поради провокативен однос е навредуван на противничките стадиони. Во Шпанија речиси и да нема стадион на кој тој не бил навредуван.
- Откако во 2018-та дојде во Европа, Винисиус бил учесник во 20 расистички скандали. Во Валенсија дури се случи и преседан во обвинителството па тројца навивачи на Валенсија беа осудени на 8-месечни затворски казни и им беше одредена забрана за влез на стадиони во времетраење од 2 години, пишува Ел Графико.
