- Шеесет годишниот Алан Пардју кој во кариерата ги водеше Ридинг, Вест Хем, Чарлтон, Саутемтпон, Њукасл, Кристал Палас, Вест Бром и Ден Хаг, во ноември 2020-та беше назначен за нов тренер на ЦСКА Софија.
- Пардју имаше солидна сезона, заврши втор зад силниот Лудогорец кој убедливо ја освои титулата. Но англискиот тренер загуби во финале на купот од најголемиот ривал Левски.
- Го напушта клубот поради тоа што група расисти фрлале банана кон црномурните играчи на ЦСКА а мета бил и неговиот прв помошник, Алекс Даер.
- По пишувањата на српските медиуми, во српската репрезентација имало незадоволство од тоа како селекторот Драган Стојковиќ - Пикси ја води екипата и некои од најдобрите фудбалери како Душан Тадиќ, Александар Митровиќ, Сергеј Милинковиќ-Савиќ и Предраг Рајковиќ наводно најавиле дека нема веќе да играат за репрезентацијата додека селектор е Пикси.
- Фудбалскиот сојуз на Србија во месец мај на Пикси му понудил нов договор но со клаузула според која ако се испадне од групна фаза на Европското, договорот да биде раскинат. Стојковиќ одбил таков услов и на крајот успеал да добие нов договор со плата од околу 1,4 милиони евра годишно.
- Стојковиќ како селектор ја однесе Србија на Светско првенство 2022, на Европско првенство 2024 откако после цели 24 години Србија немаше настап на едно Еуро и обезбеди пласман во најсилната А група од Лига на Нации.
- Но хаосот во тактиката и непромислените одлуки со составот на Еуро2024 довеле до револт кај фудбалерите.
- Триесет и три годишниот врвен голман Андреас Волф е нов голман на германски Кил. Сапуницата која траеше со месеци конечно е завршена и еден од најдобрите светски голмани се враќа во својот некогашен тим.
- Германски ндр.де пишува дека Андреас Волф се договорил со Кил каде бранеше од 2016-та до 2019-та. Германскиот голман наводно сакал да игра секој викенд силни натпревари а не само во Лига на шампиони. Неговиот догоор со полскиот вицешампион Кјелце трае до летото 2028 но Полјаците кои се во финансиска криза ќе сакаат добро да го наплатат овој трансфер кој би можел да се движи од 900.000 до 1 милион евра.
- Кил заврши како четврт во Бундеслига па следната сезона нема да игра во Лига на шампиони туку во Лига Европа. На Фајнал Форот од Лига на шампиони завршија трети после убедливиот пораз од Барселона во полуфинале. После во меч за трето место го совладаа Магдебург.