Offside › Набрзинка

После тежок период, во Барса се враќа големиот Рики Рубио

29 јануари 2024
  • Триесет и три годишниот шпански кошаркар Рики Рубио се враќа на паркетот и за сега само ќе тренира со Барселона. Фантастичниот бек во кариерата играше за Хувентуд, Барселона па отиде во НБА каде имаше одлична кариера во Јута Џез, Феникс Санс, Минесота Тимбервулвс и Кливленд Кавалирс.
  • Рики Рубио минатата година на 5-ти август изненадно соопшти дека го напушти спортот и се повлекува поради тежок облик на депресија, а искрено раскажал и дека по смртта на неговата мајка тој никогаш не успеал да се опорави.
  • Рики на 4-ти јануари спогодбено го раскинал договорот со Кливленд Кавалирс а денес на својот Твитер соопшти дека Барселона му дозволила да тренира со екипата и дека е во последната фаза од подготовките за враќање на паркетот.
  • Рубио има две европски злата со Шпанија и едно злато на Светско првенство, бронза на Олимписки игри и Евробаскет како и сребро на Олимписки игри. Во клупската кариера има шампионска титула во Шпанија, два шпански Купа, два Суперкупа и Евролига.
извор

Десет „Златни топки“ гостувале во Македонија, ги знаете ли кои се?

29 октомври 2026
  • Хари Кејн е најновата „Златна топка“ во светскиот фудбал, а со тоа кога ќе ја согледаме историјата, тој стана десеттиот играч кој ја освоил оваа престижна награда, а љубителите на фудбалот имале шанса да го гледаат на терените во нашата земја.
  • Центарфорот беше гостин во Македонија со екипата на Тотенхем кога играше против Шкендија, како и со репрезентацијата на Англија. Од 1991 па наваму, од осамостојувањето на Македонија, уште девет играчи биле тука.
  • Тоа се Кристијано Роналдо со У21-тимот на Португалија, Павел Недвед со Чешка, Андреј Шевченко со Украина, Лука Модриќ со Хрватска и Реал Мадрид, Карим Бензема со Реал Мадрид, Мајкл Овен со Англија, тие се како играчи, а како тренери тука биле Зинедин Зидан со Реал Мадрид, Христо Стоичков со Бугарија и Марко ван Бастен со Холандија.

  • Од Македонија само еден фудбалер конкурирал за „Златната топка“. Тоа е Дарко Панчев, кој во историската сезона со Црвена Звезда во 1991 година дојде до „Сребрената топка“, односно второто место.

  • Од останатите, Родри и Усман Дембеле имаат играно против Македонија, но во У21-тимовите, надвор од нашите граници.

извор

Страшната трагедија во Шпанија со судирот на возови ги одложи натпреварите од Кралскиот Куп

28 октомври 2026
  • Голема трагедија во Шпанија денес ја потресе Европа откако два воза се судриле директно при што настрадале најмалку 30 лица а 179 се повредени. Поради тоа сите јавни настани во земјата се одложени.
  • Шпанската кралска фудбалска федерација ги одложила сите натпревари од Купот на Кралот. Во раната фаза вечерва и утре требаше да се одиграат повеќе натпревари меѓу кои и оној на Валенсија на нашиот Столе Димитриевски.
  • Трагедијата настанала поради човечка грешка, откако сервисер на железницата не сигнализирал според правилата дека на шините веќе има друг воз.

 

извор

Штета ако сте пропуштиле

Зошто мамурлукот тера на секс?

ИСИС изгоре прсти од оганот со кој си играше

Сръбският сайт Курир обяви че сме Българи

Како да не ве прислушуваат со исклучен телефон?