- Најпознатите два израелски кошаркарски клубови, Макаби Тел Авив и Хапоел Јерусалим веќе ги играат своите европски натпревари во Белград поради тоа што Израел е во воен конфликт со Палестина и не можат на домашен терен да ги пречекуваат своите ривали.
- Сега е потврдено и дека фудбалските клубови Макаби Хаифа и Макаби Тел Авив ќе играат во српската престолнина.
- Макаби Хаифа игра во Лига Европа и ќе го пречека француски Рен во Белград во меч од групната фаза. Макаби Тел Авив е во Лига Конференции во иста група со украинска Зорја и нивниот натпревар најверојатно ќе се одигра во Бачка Топола на стадионот на ТСЦ.
- Манчестер Јунајтед го потпиша најголемиот капиталец летово, високиот, корпулентен Словенец Бенџамин Шешко за 85 милиони евра со што стана вториот најскапо платен играч во историјата од поранешна Југославија. Прв сè уште е хрватскиот стопер Јошко Гвардиол за кого Сити плати 90 милиони евра.
- 22-годишниот центарфор беше цел на многу големи европски клубови, на праг беше од договор со Њукасл но кога славниот и трофеен Јунајтед пратил понуда, довчерашниот фудбалер на германски РБ Лајпциг без размислување ја прифатил и сакал да оди само на „Олд Трафорд“ и никаде на друго место.
- Минатата сезона постигна 21 гол и 6 асистенции за РБ Лајпциг. За Словенија веќе има 16 погодоци на 41 натпревар по неговото деби во 2021-ва година.
- Со шпицот Ембуемо и со полушпицот Куња се очекуваат да бидат ударни игли на нападот на Манчестер Јунајтед.
- Драгиша Савковиќ, играч на Цер од Петковица кого во неделата го погоди гром за време на натпревар, почина денеска во Ургентниот центар.
- До несреќата се случи на стадион во близина на Лозница кога гром удри на средина од теренот и го погоди Савковиќ. По неколкудневна борба на лекарите, тој им подлегна на тешките повреди.
