Offside › Набрзинка

После 332 минути и 3 гола, Марсело и Олимпијакос се разделија

20 февруари 2023

Легендарниот Бразилец и еден од најтрофејните фудбалери во историјата на големиот Реал Мадрид, Марсело, после пет месеци заминува од грчки Олимпијакос.
Левиот бек кој има 34 години добил богата понуда од друг клуб чие име уште не го открил, а од грчкиот шампион се прости на социјалните мрежи каде им се заблагодари на клубот и навивачите за прекрасното време и незаборавните моменти.
„Пиреа и луѓето кои во неа живеат ќе ми останат засекогаш во срцето. Сигурен сум дека не доаѓам последен пат во оваа прекрасна земја. Праќам љубов и уважување до управата, соиграчите и навивачите, ви посакувам успешна иднина. Фала Олимпијакос“, напиша Марсело.
Тој одигра вкупно 332 минути, постигна три гола од кои два беа многу ефектни. Во грчката Суперлига одигра 92 минути, во Лига Европа 81 минута а во Купот го одигра двомечот со Атромитос во 1/8 финале каде постигна вкупно три гола.

извор

Вардар го освои и Охрид за 14-та победа на 14 натпревари

29 ноември 2025

Екипата на Вардар 1961 ја продолжува серијата без пораз на домашната сцена. Црвено-црните во дербито на денот славеа над ГРК Охрид (28-26) и го забележаа четиринаесеттиот триумф на четиринаесеттиот меч сезонава.
Пред преполна сала „Билјанини извори“ каква што не се памети да била полна во последниве години, во Охрид вечерва РК Вардар 1961 го совлада амбициозниот домаќин 28:26.
Уште од стартот црвено-црните покажаа дека сезонава им нема рамен во домашното првенство и дека одличните игри и во Европа не се случајност.
Дмитро Хориха постигна осум гола и беше лидер со најмногу погодоци кај Вардар. Харуки Кавада постигна шест гола. Милош Валах запиша осум одбрани. Кај Охрид Стрмљан, Иванковиќ, Крсманчиќ и Ѓукиќ постигнаа по пет гола.
Вардар е прв на табела со 14 победи од 14 натпревари.

извор

Тарик Биберовиќ им „забибери“ чорба на своите, Босанците гневни

28 ноември 2025

Во морето квалификациски дуели за Светско првенство синоќа Турција ја совлада Босна и Херцеговина 93-71. Иако резултатот делува мошне убедлив, на терен БиХ се држеше до крајот на третиот период до кога резултатски парираше.
24-годишниот кошаркар на Фенербахче Тарик Биберовиќ кој е роден во Зеница и во Босна ги добива првите кошаркарски лекции, играше за БиХ на Европско првенство У-16. Во јуни 2018-та го сменил спортското државјанство и како кошаркар на Фенербахче решил да заигра за Турција.
Синоќа токму Биберовиќ „им збибери“ на своите 20 поени и неколку погодоци бурно ги прославуваше, после што во БиХ беше прогласен за голем предавник на своите. Во разни коментари на друштвените мрежи Босанците го навредуваа и му порачуваа дека едвај чекаат „да го пречекаат“ на реваншот во Сараево.