- Аврам Грант (66) е израелски тренер кој во кариерата водеше десетина клубови и репрезентации а најпознат стана кога доби шанса да го води Челси. Со англискиот клуб стигна до финалето на Лига на шампиони во 2008 кога изгуби на пенали од Манчестер Јунајтед.
- Во кариерата има неколку титули и купови во Израел, титула во српското првенство со ФК Партизан а во април 2008-ма го избраа за тренер на месецот во Премиер лига.
- Грант е обвинет од најмалку три жени во Израел за принуден секс во замена за работа во клубовите каде бил вработен. Две од нив во тој момент имале по 18 години.
- Грант ги негирал обвинувањата и рекол дека „неговиот однос со жените секогаш бил заснован на почит и дека жали ако некоја била повредена од него“.
- Откако решија да не го откупат договорот на Маркус Рашфорд кој беше позајмен од Манчестер Јунајтед, луѓето од управата на Барселона синоќа го претставија новото скапоцено засилување за новата сезона.
- Англискиот репрезентативец Антони Гордон доаѓа на „Камп Ноу“ од Барселона во трансфер вреден 70 милиони евра плус 10 милиони евра во вид на различни бонуси. Гордон потпишал петгодишен договор.
- Напаѓачот доаѓа како замена за Рашфорд и Левандовски кои заминуваат од Барселона.
- Овој трансфер покажува дека Барселона конечно финансиски закрепнала затоа што во претходните преодни рокови мака мачеше со трансфери и регистрација на фудбалерите.
- 45-годишниот голман на ракометниот клуб Радовиш Славјан Паунов синоќа на мечот од доигрувањето за опстанок во Суперлигата против РК Струга, за последен пат го носеше голманскиот дрес на Радовишани.
- Искусниот голман го одигра последниот натпревар во својата неверојатно долга кариера која ја започнал во 1997-ма година.
- Паунов беше највозрасен ракометар кој некогаш играл во домашната Суперлига. Настапуваше уште и за Овче Поле, Тиквеш и Борец ФЛ а најголем дел од кариерата беше во РК Радовиш.
- Младата екипа на Радовиш испадна од Суперлигата но нема да остане запаметена како прва што испаднала во втора лига без ниту една победа затоа што синоќа конечно славеа 32-29 против Струга во последното коло. Стружани играа со изменет состав затоа што главните ракометари беа на поштеда за баражот кој ги чека против Младост Богданци за опстанок во Суперлига.
