- „Секогаш на победа“ е името на автобиографијата на македонската ракометна икона во која ќе може да се прочитаат неговите подеми, падови, успеси, неуспеси и лекции за идните генерации.
- Ја работел повеќе од седум месеци во соработка со српскиот новинар Жика Богдановиќ. Следниот месец ќе биде достапна на српски јазик, а во текот на наредната година е предвидено да се преведе и на англиски.
- „Треба да имате многу храброст и сила да ги кажете работите на овој начин, меѓу нив има и некои досега некажани работи. Цела Македонија ја следи мојата кариера и сите знаат многу за мене, но во оваа книга ќе прочитате и некои работи што првпат ќе ги слушнат поголем дел од вас“, кажа Лазаров.
- „Целта ни беше Кире да им даде одредени лекции на идните генерации, а своите современици да ги потсети низ што сè поминуваше македонскиот ракомет во изминатите децении. Мислам дека читателите ќе сфатат колку е сложен патот на еден успешен спортист“, рече Богдановиќ.
- Кутриот белгиски тенисер Александер Блокс бил приморан да го предаде натпреварот од 2. коло на Ролан Гарос против Алекс Де Минор кој без борба оди понатаму.
- Причина за ова била бизарната повреда на скочниот зглоб која 21-годишниот Блокс ја заработил на церадата поставена на крајот од теренот која била свиткана и спремна во случај на дожд да се развие по теренот.
- Пред неколку години и Белгиецот Давид Гофан се повредил на ист начин, скочен зглоб по незгодно газење на церадата. Неколку други тенисери исто изразиле загриженост за опасноста која тие церади ја носат покрај теренот.
- Блокс во моментов е 36. на АТП ранг листата. Висок е 1.92 сантиметри и важи за еден од највисоките тенисери на турот.
- Франк Лампард е избран за најдобар тренер на годината во изборот на Асоцијацијата на тренери во Англија (LMA). Лампард го добива признанието наречено по големиот Сер Алекс Фергусон. Кандидати за оваа престижна награда беа уште и Пеп Гвардиола (Манчестер Сити), Микел Артета (Арсенал), Унаи Емери (Астон Вила), Андони Ираола (Борнмут), Кит Ендрјус (Брентфорд), Мајкл Скубала (Линколн) и Енди Вудман (Бромли)
- Некогашниот капитен на Челси го одведе сезонава Ковентри од втора лига во Премиер лига и тоа на убедлив начин. Беше прогласен и за тренер на сезоната во Чемпионшип. Ковентри се враќа во Премиер лига првпат после 2001 година.
