- Високиот пораз на Македонија од Данска ја разочара македонската фудбалска јавност. Гоце Седлоски не му даде шанса на херојот од Палермо, Александар Трајковски. Држи вода статусот на неговата сопруга.
- „Човекот кој со години се даваше безрезервно за репрезентација, чове кој толку придонесе за својата земја со своите игри и со своето срце, седи на клупа. И молчи. Достоинствено.
- Ова не е во ред. Не е човечки. Неправда е. Во време кога квалитетот, искуството и лојалноста треба да бидат мерило за сè, ние гледаме како оние кои со години го носат теретот и одговорноста, се тргаат на страна. Човекот кој толку даде за репрезентацијата, не доби шанса да го запише својот 99. настап“.
- ФК Вардар денеска ја плати казната кон УЕФА во вредност од 250.000 евра.
- „Казната се однесува на неправилности, манипулации, фалсификати и незаконити дејствија направени од предходните сопственици, акционери и одбор на директори. Период пред летото 2024-та.
- Во сезоните 2021/22, 2022/23 и 2023/24 склучувани се незаконски двојни договори (пример: договорите со Блажевски и Глишиќ), исплаќани се пари од други сметки, недостасува сметководствена документација и дузина други неправилности наведени во образложението на казната од УЕФА“, стои во соопштението на клубот.
- Ракометарите на Вардар 1961 по четири години се враќаат во Лигата на шампионите на ЕХФ, а првиот натпревар во новата сезона ќе биде особено интересен. „Црвено-црните“ гостуваат кај Мелсунген во Касел, во натпреварот кој ќе се одигра во четврток од 20:45 часот (пренос Арена Спорт ТВ).
- Мелсунген, пак, за првпат во историјата ќе игра во елитното европско натпреварување, откако минатата сезона ја освои Европската лига и со тоа обезбеди место меѓу најдобрите.
- Интересно црвено-црните минатата сезона на два пати убедливо го совладаа Мелсунген кој подоцна го крена трофејот во Европската лига. Тогаш, според зборовите на тренерот Чупиќ Мелсунген имал неколку повредени ракометари и играл ослабнат а сега е голем фаворит како сила од Бундеслигата.
