- Ракометарите на ГРК Охрид извојуваа голем успех и го победија Еурофарм Пелистер во финалето на Меморијалниот турнир „Крсте Андоновски“ со конечен резултат 31-26. Ова е одличен и трофеен старт за новиот проект на амбициозниот суперлигаш и стручниот штаб на тренерот Борис Ројевиќ.
- Македонскиот ракомет после силното трио Вардар 1961-Пелистер Еурофарм-Алкалоид, сега добива нов силен конкурент кој сигурно ќе се бори за титулата. Предводен од одличниот стратег Борис Ројевиќ кој направи хегемон од новосадска Војводина во српскиот ракомет, сега Охрид цели кон шампионски титули и пехари во Купот на Македонија.
- Ќе биде ова возбудлива и неизвесна сезона во мак-ракометот.
- Најдобриот македонски атлетичар Дарио Ивановски направи фантастичен успех и уште еднаш покажа дека е во врвна форма откако на големиот маратон во Белград заврши како второпласиран со време од 2:09:35. Дарио не постави свој личен рекорд но ова е фантастичен резултат ако се земе предвид големата конкуренција на српскиот маратон.
- Прв на Белградскиот маратон заврши Гемсиса Гада од Етиопија со рекорд на патеката од 2:08:08. Третото место го освои Кениецот Јохана Ерот кој после долго водство на патеката заостанал во последните пет километри и трката ја завршил со 02:09:55.
- Дарио Ивановски имаше одличен втор дел од трката каде од четвртото место успеа да стигне до втора позиција. Годинава белградскиот маратон кој е еден од најголемите во Европа, имаше изменета траса. Белград ќе биде и домаќин на Европското првенство во трчање во 2027-ма година, а Белградскиот маратон оваа година беше во изменет формат односно полумаратонот и трката на 10 километри се одржаа ден порано, во саботата, пред главниот настан маратонот во неделата. Оваа манифестација послужила како генерална броба пред Европското првенство.
- Ивановски е олимписки стипендист на Македонскиот олимписки комитет.
- Фудбалскиот судија Хавиер Ортега (48) бил убиен на терен за време на аматерски натпревар одигран во Пасахе, Еквадор.
- Играчите и навивачите вриштеле и барале да се засолнат, а судијата починал на лице место.
- Вооружените лица веднаш избегале и сè уште се на слобода.
- Во декември лани, еквадорскиот репрезентативец Марио Пинеда беше убиен во пукотница, а неговата мајка ранета додека излегувала од месарница во населбата Саманес во Гвајакил. Двајца осомничени мажи беа уапсени.
