- И покрај многуте шпекулации дека би можел да смени средина, 40-годишниот Португалец денес и официјално потпишал нов договор со Ал Наср кој го обврзува до 2027-ма година, соопштија од саудијскиот клуб.
- Кристијано Роналдо во Ал Наср стигна во 2023-та, таму е веќе две години и се очекува да остане уште две сезони. Најдобриот светски голгетер постигна голем број погодоци во Саудиска Арабија и се очекува кариерата да ја заврши токму во оваа земја.
- Според новиот договор, Кристијано ќе заработува страшни 185 милиони евра годишно или 15 милиони евра месечно, 3,8 милиони евра неделно и 550.000 евра дневно, пишува реномираниот германски сајт Трансфермаркт кој се повикува на шпанска Марка.
- На 105 натпревари за Ал Наср, Кристијано има 93 гола и 19 асистенции. Но уште не освоил ниту еден поголем трофеј во Азија.
- Еден од најдобрите евролигашки кошаркари, репрезентативецот на БиХ Џанан Муса (26) години и официјално ќе го напушти Реал Мадрид и ќе се пресели во ултра богатиот нов кошаркарски клуб Дубаи.
- Муса ќе потпише 3-годишен договор вреден 10 милиони евра, пишува Еурохупс. Кошаркарот од БиХ во средата вечер го одигра последниот меч за „кралскиот клуб“ во финалето на шпанската лига кога ја освоија титулата по победа над Валенсија.
- Џанан има титула во Евролига од 2023-та со Реал Мадрид, има две шампионски титули со Реал, освои Куп на Шпанија во 2023-та и два шпанска Суперкупа. Со Дубаи во новата сезона ќе игра Евролига и АБА лига.
- Лионел Меси може да ја продолжи кариерата во Саудиска Арабија. Претседателот на Ал Хилал се наоѓа во САД и планира да се сретне со Хорхе Меси, таткото и претставник на најдобриот фудбалер на сите времиња според многумина.
- Управата на Ал Хилал сака уште летово да го доведе легендарниот Аргентинец во своите редови. Договорот на Меси со Интер Мајами е до декември 2025.
- Саудискиот клуб го смета Меси како ѕвезден трансфер кој ќе го засили проектот за конкурентност со европските клубови во спорт и во медиа просторот.
