Offside › Набрзинка

Објавен распоредот на Евролига, жестоки дерби дуели на старт

18 јули 2023

Кошаркарската Евролига од година во година е сè поатрактивна и подобра. Летово клубовите учесници прават големи трансфери и се подготовуваат за новата сезона која почнува на 5-ти октомври.
Со ждрепка е одреден распоредот. Во првото коло во Атина ќе има мега спектакл меѓу Панатинаикос и Олимпијакос. „Зелените“ кои се меѓу најтрофејните европски клубови сакаат после долго време да се вратат на врвот а за таа прилика донесоа дури 9-10 нови засилувања меѓу кои и доскорешната клупска легенда на најголемиот ривал Олимпијакос, Костас Слукас кој направи земјотрес со трансферот.
Во 5. коло од Евролига ќе има и белградско вечни дерби меѓу Партизан и Црвена звезда. Актуелен шампион во Евролигата е Реал Мадрид кој ќе ја брани титулата. И Евролига како и НБА се реши за нова идеја на плеј-ин, односно доигрување за клубови пласирани од 7. до 10. место кои од 16-ти и 19-ти април ќе играат за пласман во четвртфинале. Фајнал Форот е закажан за 24-26 мај во Берлин.

извор

Вардар го освои и Охрид за 14-та победа на 14 натпревари

29 ноември 2025

Екипата на Вардар 1961 ја продолжува серијата без пораз на домашната сцена. Црвено-црните во дербито на денот славеа над ГРК Охрид (28-26) и го забележаа четиринаесеттиот триумф на четиринаесеттиот меч сезонава.
Пред преполна сала „Билјанини извори“ каква што не се памети да била полна во последниве години, во Охрид вечерва РК Вардар 1961 го совлада амбициозниот домаќин 28:26.
Уште од стартот црвено-црните покажаа дека сезонава им нема рамен во домашното првенство и дека одличните игри и во Европа не се случајност.
Дмитро Хориха постигна осум гола и беше лидер со најмногу погодоци кај Вардар. Харуки Кавада постигна шест гола. Милош Валах запиша осум одбрани. Кај Охрид Стрмљан, Иванковиќ, Крсманчиќ и Ѓукиќ постигнаа по пет гола.
Вардар е прв на табела со 14 победи од 14 натпревари.

извор

Тарик Биберовиќ им „забибери“ чорба на своите, Босанците гневни

28 ноември 2025

Во морето квалификациски дуели за Светско првенство синоќа Турција ја совлада Босна и Херцеговина 93-71. Иако резултатот делува мошне убедлив, на терен БиХ се држеше до крајот на третиот период до кога резултатски парираше.
24-годишниот кошаркар на Фенербахче Тарик Биберовиќ кој е роден во Зеница и во Босна ги добива првите кошаркарски лекции, играше за БиХ на Европско првенство У-16. Во јуни 2018-та го сменил спортското државјанство и како кошаркар на Фенербахче решил да заигра за Турција.
Синоќа токму Биберовиќ „им збибери“ на своите 20 поени и неколку погодоци бурно ги прославуваше, после што во БиХ беше прогласен за голем предавник на своите. Во разни коментари на друштвените мрежи Босанците го навредуваа и му порачуваа дека едвај чекаат „да го пречекаат“ на реваншот во Сараево.